بعـد الفقـر حطـت شريحـه وجـوال=يسعـد مسـا جوالـهـا والشريـحـه
كانـت تجينـي تشتكـي قلـة الـمـال=وتصيح لاجـا طـاري الفقـر صيحـه
تقـول ابويـه دايـم الـدوم رحــال=امـي كبيـره سـن دايـم طريـحـه
وانت الوحيد اللـي لـك القـب ميـال=دايـم يصارحنـي وانـا لـه صريحـه
طفله وانـا معشوقهـا بيـن الاطفـال=جريح حب وطـاح لـه فـي جريحـه
كنا سوى نرسـم علـى التربـه امـال=وأحـلام تقتلهـا الحيـاه الشحيـحـه
كم دمعـةٍ كانـت علـى الخـد تنهـال=واذا نزلـت ضاقـت علـيّ الفسيحـه
الله كم صرخـه.. وهمسـه.. ومـوال=الله كـم جــادت عليـنـا القريـحـه
الله كــم بـيـتٍ كتبـنـاه يخـتـال=واقول انا ضيدان وانتي (عيونك)؟ مليحه
تخيل لـو مـا فالسمـا بـرق وخيـال=و نكـذب الايـام لـو هـي صحيحـه
تقـول لاحطيـت لـك بشـت و عقـال=وسخّر لـك الرحمـن عيشـه مريحـه
اخـاف تتركنـي علـى عثـرة الفـال=للفقـر ووجـيـه الحـيـاه القبيـحـه
وحبيتهـا بـيـن الخـلايـق والازوال=حـبٍ يطـول الوقـت محـدٍ يزيـحـه
وسلمتهـا قلـبٍ تبـاريـه الاهــوال=وطاح الخفوق وطيحـة القـب طيحـه
راحـت وخلتنـي مـع القيـل والقـال=شاعـر صواريـف الدهـر تستبيحـه
ودار الزمـان وغيـر الحـال بالحـال=وجاهـا الزمـان بكـل ورده وشيحـه
فلـة و 3 خدامـات ولكـزس وجـوال=وانا عجـزت ادفـع رسـوم الشريحـه