حين قالت : حسن اشوف كنك بديت !! =
= قلت : ما به بداية والعذر لو مزحت
قالت : اني احس بقسوتك لا قسيت =
= قلت : ويش القساوه ما اخبر اني جرحت !!
قالت: الجرح فيني توني ما بريت =
= وانت متمسك ٍ بالصمت ما قد شرحت
ليه انا احب شعرك واعشقك بيت بيت =
= وانت لا تجمع بحبي ولا قد طرحت
قلت : يا بنت يكفي والله اني بليت =
= والله اني بحبك هايم ٍ وانذبحت
انتي النهر لامني وردته رويت =
= وانتي البحر لامن شاقني به سبحت
كل ما اقرأ عيونك ادري اني سريت =
= وادري اني عن الموضوع ضعت وشطحت
قالت : ارجوك قلي ويش فيني هقيت ؟؟ =
= قلت : انا ما هقيت وهقوتي ما استرحت
قالت : اشلون لو اني معاك انتهيت ؟؟ =
= قلت : ما قد سمحت ولا ابد ما سمحت !!
بالله ياهوه وش هي دنيتي لابغيت =
= افترق عنك او مره بعدت ونزحت
قالت : اني على فرقاك يا ما بكيت =
= قلت انا من عرفتك ما اخبر اني فرحت