يا الله يا خالق في الارض جنسين = خلقتهم يالله من أجل العبـــــاده
أطلبك يا رحمن في المطق الزيـن = ما فيه نقص ولا تجيه الزيـــاده
وأطلبك جنبنا دروب المجانـــــــين = اللي تخلوا عن فنون القيـــــاده
كم واحد منهم ذرف دمعة العـــين = وكم واحد طايح بوسط العيـاده
وكم تاجر أصبح يدوّر ريالـــــــين = من بعد ما كانت حياته سعــــاده
وكم من فقير صار يملك ملايــين = عقب الليالي المظلمه والقــراده
وكم واحد ربعه لشــوفه مهـلــين = وفي مجلسه يلقى كبير الوساده
وبعد التقاعد قالوا الناس مسكين = ما عاد به خير ولا فيه فـــــــاده
والكرسي الدوار معروف له حين = ما تستقر فيه الرتب والسيـــاده