البخيل اليوم ماعنـده فلـوووس=وللفقر في جبهته تلقـى اشـاااره
كنه اللـي حلقـوه بحـد مـوس=وصلعته لو حكها تطلـع شـراره
والسبب عند البني دايم يحـوس=فلسوبـه ليـن روح للخـسـاره
كاس يخلف كاس تخلفها كـوؤس=وكان صوفي لين ماولـع سقـاره
صااار يفهم بالخراب وبالطقووس=وانحرف ماصار يمشي في مسااره
صار همه بين كيف وبين بووس=ومادفع قسطه من ايجار العمـااره
ليت همه فايـده ولا عـروووس=كان قلنا لـه نسميهـا شطـاااره
مافهـم ولا تعـلـم مـالـدروس=راسبن قبل انه يحيـن اختبـااره
موترن مابه معـا قيـره تـروس=وش تبي باسمك يجي فالاستماره
لايـدز ولا يـدور ولا يــدوس=ومارتفـع لادار امبيـر الحـراره
يافقير العقل لو عنـدك غـروس=اسقهـا لاتقتلعـهـا بالـثـواره
خل عنك اهل الردى ياعنتـروس=وادخل بجال المراجـل والتجـاره
حط راسك وارفعه بين الـرؤوس=وصاحب الطيب وخلك دوم جـاره
لاتجامل وايضاا لاتمشى معكـوس=وشاور العاقل تفيدك االإستشـاره
ولاتجي للناس في وجهةن عبوس=ابتسـم للنـاس تنحـب بجـداره
البخيل اليـوم ماهـو بالفلـوس=البخيل اللـي يماشـي انحـداره
حابسن نفسه ولاهوب محبـوس=وينتظر يعلـن لنفسـه انهيـاره
الرجل وا حطهـا مابيـن قـوس=((يعتلي ولا بينـزل بأختيـاره ))
إن نزل.. قدره معا قدر التيـوس=وان تعلا فوق يستاهـل الأمـاره