خذن عقلي بنات الحور = وخلّني بدون اشعور
براقعهن دلع وسفور = في وسط السوق مشيّات
أذا واجهتهم في السوق = نجوم(ن) منزله من فوق
بنات(ن) عندنا بالذوق = كويتيات اسعوديات
ملابسهم على شكلين = وكل(ن) يقال عند الزين
وشمس الحور يابن حسين = تنزّل روح شخصيّات
أنا مريّت بالاقطار = وشفت الجمال اطوار
صراحه لو بغيت اختار = فلا اتعدّى الخليجيات
لاني احسب غزلانه = عطاها الله سبحانه
جمال الكون والوانه = لهم في الزين ماريات
وأمّا منبع الريحان = في الأردن وفي لبنان
وأمّا نظرة الأعيان = صراحة للعراقيات
وأمّا اللّطف والمنطق = فلولا مصر ما يخلق
وأمّا الناظر الأزرق = فهذي عيون سوريّات
وأمّا تونس الخضرا = بلاد الأنس والأغرا
وأمّا الحلوة السمرا = من السودان خمريّات
وأمّا من سكن صنعا = بها زين العرب جمعا
وساكنها قمر يدعى = وحقّ اللّه حوريّات