للمدير ونايبه ولعموم المشرفين= والعضو والي مشارك لهم مني سلام
عد من زار الحرم من جميع المسلمين= وعد من هلل وكبر ومن صلا وصام
بعدها بانظم قصيدي قصيد العاجلين= واللي بالنّية ترى ما يوفيه الكلام
لكن أطلب ربنا في كلامي ما يزين= والكريم يجود بالي بوسعه للكرام
يابني عمر الهول تاج راسي والجبين=يا رجال الجود وأهل الشهامة والمقام
فعلكم تاريخ يشهد لكم طول السنين=طيبكم لأهل الوفاء.. والعدو يلقاء إنتقام
منتداكم شامخ بالثقات المخلصين= شيدوه بعزم وأصبح منانا والمرام
كل علم يخدم الذات نلقى به يقين= منتدى مرموق يخدم لنا كل إهتمام
كان لي فخرٍ وانا عضو ظمن مسجلين= كيف وانا مشرف وقالو إمسك بالزمام
والله إنه قمة الفخر والحض السمين=خدمة الموروث فخرٍ وفي صدري وسام
عهد لأبذل كل جهدي وبأرخص ذا ثمين= في سبيله . كيف لا والوفاء فرض ولزام
فالشكر لله أبدّي ومن له قايمين= راية بيضاء لهم في البداية والختام
وآخر الأبيات اصلي على الهادي الأمين = الف أصلي والف أسلم على خير الأنام