مشاركة: كلمــة على طــرف لســـاني ..
اسير وحيدا
حياك الله بين اهلك واخوانك ولن تسير وحيدا باذن الله
انت وضعت يدك على جرح غائر ومن ضمن الكلام اوردت مشكله صعبه نلاحظها في معظم ان لم يكن كل بيوتنا
الاباء والامهات كرماء حتى بالكلام والتعابير الجميله
اذا رحبوا واذا ودعوا
واذا عزوا
اذا باركوا
اذا دعوا
اذا تحدثوا عباراتهم جميله ومرتبه وتعني الكثير
الابناء بعكسهم (تقول هنود)
اذا سلم ماتسمع الاحرف السين وبالقوه يطلع السلام من حلقه
اذا شكر احد قال له ثانكس
اذا ودع احد قا ل باي
اذا عزا قال ياحرام
اذا دعا قال له الله ياخذ 000 ومن هذي الدعاوي
اذا جاه احد من اصحاب ابوه يسال عنه وقفه عند الباب ولايعرف يقول له تفضل
ولو دخل خلاه بالمجلس وراح الصاله يتابع المباراه او يلعب البلاي ستيشن رغم انه ماهو صغير
ماساه
اذا تكلم الشاب السعودي بالتلفزيون جاك يخربط ويقول كلام ماله معنى
واذا البرنامج فيه اتصالات فهم اكثر من يتصل رغم انهم مايتلكمون صح
وبعدين
ليه كل ذا وش السبب
تعرفون وش السبب؟
من صغر الطفل عندنا اذا جو ضيوف للبيت قالوله (انقلع لا نشوف وجهك ) هذي العباره هي اللي تنقال ماهو غيرها
يجون الضيوف ويروحون وهو قاعد جوة البيت ما احد يدري انه موجود علشان ماينزعجون الضيوف والحمد لله بيوتنا كبيييييييره ينخفي فيها الفيل فمابالم بكم طفل
اذا صادف ان الطفل دخل فياويله لو فتح فمه يواجه اما بنظره (هذي من الامهات للبنات ) او بعبارة اسكت ومالك دخل وعيب الصغار يتكلمون
واذا ابدى رايه ولو كان صحيح خاصة لو رد على الضيف فكلمة انطم ياقليل الادب هي الرد
وبعد كذا تبغونه يتعلم الكلام
من وين يتعلمه
الا على قولتكم من التلفزيون والا صحاب
بطبيعة الحال ماهو كل الناس لكن الغالبيه
والله يعين ويهدي الجميع
|