سريا قلم واكتب جزيلات الأشعار = واختر بيوت يوم تبدي سمينه
واحمل معك في داخلك ورد وأزهار = وانثر عليها من العطور الثمينه
واكتب على المكتوب تحذير وإنذار = وارسم عبر لأهل العقول الفطينه
ارسم لنا ست تسجل بمعيار = نصايح للبدو وأهل المدينه
الأوله يا الجار لاتؤذي الجار = واللي يعين الجار ربي يعينه
والثانيه يامدخل الدش للدار = عزالله انك جبت شي يشينه
الدش لأهل الدار يجلب لهم عار = يظهر على الشاشات ناس مهينه
والثالثه ياكل مزعج وثرثار = أحفظ لسانك وألتزم بالسكينه
والرابعه ياحامل الحقد وتغار = ترى ابن آدم علته من يمينه
والخامسه ياكل تايه ومحتار = أرجع الى الله وأتبع كل دينه
والسادسه ياماشي درب الأشرار = احذر ترى دنياك ماهي أمينه

هذه القصيده للشاعر المبدع / غرمان بن محمد بن عزيز العمري
احببت ان انقلها لكم بعد ان تم نشرها بجريدة الرياض لهذا اليوم
والأخ غرمان غني عن التعريف كونه شاعر مبدع وكلي أمل ان نوفيه حقه لأنه يستحق منا كل الأحترام والتقدير
وفي الختام اتمنى له وللجميع كل التوفيق