منتديات بني عمرو - عرض مشاركة واحدة - فتاة عمرها 18 عام تهرب من البيت مع شاب وتكتب رسالة لأمها

12-24-2005, 03:25 PM

تخفف على أمها الصدمة ههههه الله المستعان ...
بس الطريقة خطيرة جداً ... كان ممكن تروح فيها أمها ...
وبعدين تربية أفلام mbc2 وطقتها ...ما فيه شيء غريب ...
وكم سمعنا من القصص الحقيقية ...فتيات يهربون من أهاليهن ...
لكن ... الله يكفينا فكر ام بي سي وطقتها ... ويستر على بناتنا بستره ...

على طاري المقلب هذا ... أو طريقة تخفيف الصدمة ....
هذا مره من المرات قبل فترة أستلفت سيارة أخي الأصغر مني مباشرة لأن سيارتي وقتها كانت في المستشفى أقصد الورشة

..
وخلصت مشواري وأنا راجع صدمت بها صدمة خفيفة من الخلف ...طبعاً الغلط على اللي صادمني ... وأنا أتحمل جزء من الغلط لأني كنت مسرع ... المهم رجعت للبيت ووقفت السيارة في آخر المواقف بعيد ... ودخلت البيت وقلت له (فيه خبر ما بيعجبك ..." سيارتك انسرقت " )...
قال (ايييييش تقول أنت ... تركتها شغالة ونزلت منها صح ) ... قلت ( لا لا أنسرقت والمفتاح معي والسيارة مقفله ) ... قال وهو معصب وفي حالة صدمة ( كلمت الشرطة .. دورت عليها ......إلخ ) <--- الأسأله المعتادة في مثل هذه الحالات ...
قلت له ( كلمت الشرطة وكلموني بعد لحظات وقالوا انها مقلوبة في وادي "بن هشبل" ) ....قال ( مسكووووه ولا لا "السارق" ) ... قلت (لا والله ما مسكوه ...بس السيارة معدومة مرة ما عاد تسوى ...حتى الوكاله ما يقدرون يصلحونها )..
المهم ارتسم على وجهة خيبة الأمل ... وكالعادة قال (حسبي الله عليهم ذا السرقان ) ...
بعدها بنص ساعه قلت له (خلنا نتعشى ونروح نشوف لنا ونش نسحب سيارتك )...
وتعشينا ...وطلعنا من البيت ...وشاف سيارته في المواقف ... وهو يقول متعجب ( مو هذي سيارتي يا محمد ........!!!!! ) ...
قلت ( إلا والله سيارتك ... بسم الله وش جابها هنا ) << باقي يمثل عليه ...
راح لها ويطالع في رقم اللوحة إلا والله طلعت سيارته ... وعلمته بالسالفة الحقيقية ...
حسيت أنه ارتاح راحة نفسية كبيرة ... وقال يا رجال فداااااك <<<

... قلت أدري ....

معليش طولتها يا سهارا ... وما ادري ليه اليومين هذه ...
كل ما أشوف موضوع أتذكر قصة وأقولها

...
شكراً على طرحك الجميل ياسهارا ...
تقبلي خالص تحياتي ...
والسلام عليكم ...