بديت باسم اللي بيده التدابير=رب الملا حقا علينا وقاره
رب بتدبيره تسير المقادير= والكون كله ساير باقتداره
في عهد ابو متعب مغيث المعاسير=خادم بيوت الله زعيم الحضاره
و ولي عهده منبع الجود والخير = اللي بنو للعلم صرح ومناره
سر ياقلم وكتب جزيل التعابير=واختر من الامثال جزل العباره
وانص الرجال اللي تقود الطوابير=اهل العزوم اللي رقوا للصداره
ناس عرفناهم على الطيب لاغير=واللي مفارقهم علينا مراره
واخص من يستاهل المدح والخير=ظافر حبيب اللي فراقه خساره
رجل بعزمه سطر المجد تسطير=واثبت لكل الناس معنى الشطاره
اسمه سما بين الرجال المشاهير =اسم يشرف به يزيد افتخاره
له وقفة ياقف بها الوقت ويسير=يقضي لزوم اللي تعنى وزاره
فعله وطيبه من كبار الاساطير=زيزوم واثبت قدرته عن جداره
ما صار من صوبه مع الناس تقصير =يشهد على ما اقول حنكة قراره
من يستشيره ما يخيب له مشير=وتواضعه للكل زاد اعتباره
منا لبو تركي تحيه وتقدير= يستاهل التقدير لأنه شعاره
يقولها من عبر الشكر تعبير=باسم المدير وباسم كل الاداره
والرجل في الدنيا حياته مشاوير=والرابح اللي ما يضيع مساره
سيروا يابو تركي ومن بعدك نسير=يا نجم عز ساطع في مداره
تمت وصلوا عد مايسجع الطير=على النبي عد الشجر والحجاره