ياااومتي !!! ... مذاهو ذيه ...
بسم الله علينا ... والله شيء عجيب ..
جبل المطلا ... مره في الديرة في احدى الليالي الممطره قبل 7 سنوات تقريباً في بيت جدي ...
طلعت الحوش أجيب الجوال من السيارة ...<<<== ناسيه كالعاده ...
وأطالع في خروف واقف في منتصف الحوش هناك <== يبعد عني تقريباً 20 متر ....
وأقول في نفسي ... وش موقفه المسكين هذا تحت المطر ...وش طلعه من عند ربعه ...!!!
وأطالع فيه ... إلا والله يا راسه مثل راس الآدمي ...واللي جنني أنه مبتسم ...
والحوش نصف مظلم لأن جدتي تطفي الأنوار الساعه 10 وترقد :qlbe3: ...
يعني تقدر تقول ... الحوش منور بالنور الأصفر اللي على أعمدة الكهرباء ...
المهم ... والله يا قلبي أنه انفلت والنبض صار 180 دقه في الدقيقة ...
وإني احتريت وتصببت عرقاً ... رغم إني كنت ميّت برد ...وتعرف برد الديرة ...
المهم المعوذات كلها قلتها ... ما أدري كيف تشجعت وحركت يدي اليمين ..
وأطلع النظارة من جيبي ... وألبسها ...واتضحت لي الرؤية ...

تدري وش طلع !!!!!!
طلع حطب مبني فوق بعضه ...(( وأحسبه جسم الخروف )) ...
والرأس طلع كورة مقشرة قديمة قد شاتها واحد في العصرية على الحطب وانفقعت ومحد شالها !!! ...
وعادت نبضات القلب لمسارها الطبيعي ... ورجعت الحرارة كما كانت ...
وانطلقت نحو البيت مهرولاً متلفتاً يميناً وشمالاً خوفاً لا يجي الخروف الصدقي خخخخخخخخخخ ...
وحمدت ربي إن النظارة كانت في جيبي ...
ولا كان جلست إلى الفجر أطالع في المنظر ...
جبل المطلا ...الله يعطيك العافيه ويسعدك ...
رجعتني بعنوان موضوعك لسنين وأيام فاتت ...
ما أحلاها من أيام ...

ومن ناحية الخروف هذا ...
ما أقول إلا سبحان الله العظيم ...
ولله في خلقه شؤون ...
لك خالص تحياتي ...
والسلام عليكم ...