سـارت الايام بالعمر القصير = وغابت الأمال والمشرق بعيد
والليالي علمتني من صغير = كل يوم أشوف بالدنيا جديد
كل درب-ن- فيك يا دنيا عسير = ما بتلقى كل ما فيها تريد
والليالي وين ما سارت نسير = عن مسار الوقت ما نقدر نحيد
والله الوالي ولا غيره قدير= تجري الأقدار من رب العبيد
زانت الدنيا ويعشقها كثير = كم بنينا وانهـدم فيها المشيد
كم دفــنا في المقابر من عزيز= تزرع الأرحـــام والدنيا تبيد
آآآآه يا دنيا إذا جاني المصير = وصرت بعد العـز في قـبر-ن- وحـيد
أعوذ بك يالله من نـار السعير = وأجـور بك يا رب من حــر الوعيد
وأسأل الرحمن معطي كل خير = جـنة الفردوس من فضلك وزيد
هذي الشكوى من العبد الفقير = ومن شكى لله غيره ما يفيد