أمانه ليه يا غربه كسرتي كل جنحاني=وانا طير يغرد لك يردد أعذب ألحانه
لقيتك بالهوى ضايع غريب بين أوطاني=وظَمّك بالوفا حضني وخنتي الحضن وأوطانه
عطاك القلب ما يملك عظيم أشواق وجداني=عطاك ولا خذا منك .. غير الجرح يادانه
رخصت النفس لعْيونك وجيتك بالهوى عاني=غشيم عاش له حلم وفتح للوهم بيبانه
حسبتك للعمر فرحه بقربك أنهي أحزاني =ولا(حصّلت )أنامنك إلاّ الحزن وألوانه
زرعتك بالوفا ورد لجناين روض بسْتاني =جنيتك بالحشا غدر وخناجر دم روّيانه
عزفت الناي من غدرك وصوته نبْرت أشجاني =أنا الجاني على نفسي وأنا الغلطان يافلانه
حسافه ليتني صديت يوم الصوت ناداني= ولاجاوبت صوت اللي وفاله قلبي وخانه
خلاص اليوم أنا ناسي خلاص اليوم يالجاني=دفنت الجرح في صدري دوّات الجرح نسيانه