سبحانك اللهم يا عالم الغيب= يامنزل دينه وباعث نبيه
اتوسلك وادعيك رغباً وترهيب=واستغفرك من كل ذنب وخطيه
من بعدها هذا سلام وتراجيب=سلام صافي من صفا صدق نيه
لدعوى بني رافع رجال الموجيب=اهل المواقف والكرم والحمية
لاجوهم الضيفان ثنوا التراحيب=عاداتهم وسلومهم قبيليه
هل كرمة شحم وبر المعاصيب =وسمن وسمين ودلة شاذليه
اقولها وانا اعرف القصد واصيب=ولا اعترض للمخطية والدنية
وانا الى جات اللوازيم ما اغيب= احضرمع الونعم ومني وفيه
ويا مرحبا حييت يامنسل الطيب =سعيد بو عمار ويا حي حيه
هاجر من الديرة قبل عمر تقريب =سبعين عام ونحتري منك جيه
والحمد لله بالقدروالمكاتيب= حضرت يا غايب وعيشه هنية
ذكرك ما بين الناس حاضر ولايغيب= والشوق لك بالحيل ما هو شويه
وابنائك الاخيار عداهم العيب = ناموسهم مذيوع صبح وعشيه
قراهم البيضاء بروس المراقيب= اما كذا الابناء ولا بليه
والخاتمة ما فيه شك ولا ريب= والدم عمره يوم ما صار مية