وش بلاكي يا الغزالة العارضيـة=عن مراتعكِ سليتـي أو غديتـي
أتــردد بالمداهـيـل العـذيـة=وأتشوف وأتوحـى مـا بديتـي
الهوى مشهـاة للقلـب ونحيـة=وا عساكي عن هواكي ما انتحيتي
ياعروس القلب من يومك صبيـة=كل عمري فدوة لك لـو بغيتـي
المحبه في عروق القلـب حيـة=ياكثر ما فـز قلبـي لا طريتـي
واهني من نام وعيونـه هنيـة=ماسهر ليله على ليتـك وليتـي
يا أحـب النـاس بالدنيـا عليـّه=أجمل اللي فيني بطوعي خذيتـي
فيني من الحب ما يكفي البريـة=لو خذوا نصفه حـرام مادريتـي

زانت بحبك ياحياتي حياتـي=مـن عقبكـم صفـوي تكـدر عليـه
يادعوتي بـأول وتالـي صلاتـي= يانيتـي مـادام فـي الحـب نيـه
ياحلم صحواتي وغفوة مباتـي= يارغبتـي مـن بيـن كـل البريـه
أحاول اجمع في غيابك شتاتي= بعضى معك عيى يفارق خويه
أرواحنـا بالحـب متعانقاتـي =وقلوبنـا بالشـوق والوجـد حـيـه
شلون تقوى سيف زينـك عصاتـي =يابـو عيـون ٍ كلهـا جاذبيـه
خذ من حبيبك كل عمره وهاتي= بلسم جروحي ياحبيبـي هديـه

يا بو فهد يا عزوتي سافر الشـوق=يا بو فهد عقبـه جروحـي عطيبــه
يا بو فهد مليت من دشـة الســوق =يا بو فهد عقب الغضي وش نـي بـه
يا بو فهد والنفس ما تقبل الذوق=يا بو فهد هـذي علــينا صعيبــه
يا بو فهد مالي مع الناس معشـوق=يا بو فهد بدرً ستــر في مغيبـه
يا بو فهد زينه تغـازيل غرنــوق=يا بو فهد بالشين ما ينحكي بــه
يا بو فهد مافيه كبــر ولا مــوق=يا بو فهد عقــل ونفــس حبيبــه
يا بو فهد وش رايك القلب محـروق=يا بو فهد فـرقا الولايـف مصيبـه

ياخو سعد جَرت صواديـف وفـراق=صارت ليالي حبنـا مثـل الاحـلام
واصبحت من فرقى هوى البال منعاق=مافي يدي حيله علـى حكـم الايـام
ما للهوى عند المهـا اليـوم ميثـاق=خلي ينام وناظـري منـه مـا نـام
ياخو سعد غيره من البيض مـا لاق=ليت الوصل من كامل الزين لـي دام
وش قيمة الدنيا بلا شـوق وأشـواق=لا صار حظي عند الاحباب ما قـام

خذيتـنـي يــا زيــن مـــن دار لـديــار=ولــولاك مـــا بـدلــت داري بـديــره
ولـولاك مـا قضيـت الايــام محـتـار=تـمـرنـي بـيــض اللـيـالـي قـصـيـره
يصبـح فـؤادي بــدار ويبـيّـت بــدار=خليتـنـي مــا بـيــن حـيــره وغـيــره
في كـل يـومٍ لـي علـى الحـيّ مشـوار=أمّـــا نـشــوف الـزيــن ولاّ بـشـيـره
بـس اتسمّـع عنـك مـردود الأخـبـار=يفـرح بهـا راعـي العيـون السهـيـره
أقـــول كـــود ان الـمـقـاديـر تــنــدار=وترجع لمجروحك على حسن سيره