ليتنـي معـك دايـم=روحي في هواك هايم
واخفيك مـع روحـي=أمالي وجروحي
إنـت السهر والليـل=وإنت القمر وسهيل
وإنـت سبب نوحي=ومالي في هواك لايم
ليتني معك خطوة=تمشي لهواك دروب
ونسمة هـوى حلوة=تحيي أمل في قلوب
ليتني معك وارتاح=وأنسى الضنى اللي راح
آه من الهوى والليل=فـي عيونك السـودا
غربة ومالـي دليـل=والخطـوة معدودة
والله الزمن غلاّب=والبسمـة محـسـودة
ونور الأمل كذاب=والراحة مفقودة

ياصاحبي طالت عليّ المسافه= كل مانشدتك قلت لي الدرب قدام
وعدك مثل باكر أحبه واخافه =وماينقضي باكر على مر الايام
كان التعب يثمر فلا به كلافه =الله لو نقطف ثمر بعض الاحلام
ما اقول ضاع العمر عندك حسافة= انت الثواني عشتها وإنت الاعوام
ودي ربيع الغصن يسبق جفافه= يامسقي العطشان من كاس الاوهام
كانك تعاف الصد حنا نعافه =ولا سهرت عيوني تبي عينك تنام
من لا خبر منك جميل خلافه=مايملكه وعد ترى السعد قدام

يا هلا فكرةٍ حنـت وحـنّ القصيـد=المزون المشاعـر والسحايـب أنـا
يا قديم الموده مرحبـا بـك جديـد=رد فيني شعـورٍ كنـت أظنـه فنـا
ولع الشوق جمره والهقـاوي بعيـد=واعرف اني اعيشك في غيابك سنـا
ألتوى بي غرامك صرت عاشق عنيد=مـا يهـزه كـلامُ ولا يـرده عنـا
أنهل الحب عمرٍ والعمر مـا يزيـد=ما تفيد الحسوفة لين ضـاع الهنـا
أصعب العمر للعاشق نهاره وحيـد=لين وقف وناظر في الهوى وش جنا
يا حبيبٍ نسيتـه بيـن قلـبُ وريـد=في خفوقي مشاعـر والكتابـة أنـا

يوم أقبلت صوّت لها حرحي وصاح=تكفين لا تفتحين جرح قديمي
جرحك برى ونا جروحي بها رماح= وجرحك مضى وأنا جروحي تقيمي
وقلبك هدى وشلون قلبي به رياح= تعصف بها في هجعتي عند نومي
وماينفتح مغلاق سري بمفتاح= ولاحد درى عن ماخفي من همومي
اغض عنه الطرف لاجا ولا راح=واسكت اذا طرياه صارت تحومي
زوله يورى لي بصبح ومرواح= وذكراه في أقصى خاطري ماتريمي

تعبت من السفر ليتك تروفي=تعبت من السفر ما ألوم أكثـر
عشقتك حاسب انك دوم توفى=وفيتى يوم والباقـى تنكـدر
تعبت وزاد بتغريـب خوفـى=وحبك بالحشا لا مـا تغيـر
وانا للحب جرتنـى حتوفـى=ورب لى بالسماء يـوم قـدر
اسافر وبتعد واجبر ظروفـى=وعنى الدمع من عينى تحدر