لك حق تزعل ثم لك حق نرضيك =ما اقوى زعل حبيب قلبي وعينـي
ما دام قلبي يا ريش العين مغليك= أطلب ولك روحي وما فـي يدينـي
لا تنشغل مالك وزينٍ يضاهيك=أبيك أنـا لـو كـان غيـرك يبينـي
يوم الله أحسن صورتك خصني فيك = فيك الجمال وصادق الحب فينـي
شِعري يزين بوصف زينك وطاريك= والأرض من ممشاك فيها تزيني
أول غناتي صوت الأشواق يدعيك = وآخر غناتي شق صدري حنينـي

يا حمامة روحي يم العشير=خبري مضنون عيني وش جرى
ساكن بالقلب ماله به خشير=غير حبه ماعلى بالي طرى
لو بغيت أنسى غرامه واستخير =في ضميري منه جرحٍ ما برى
وإن بغيت زيارته .. قربه عسير =ما تنوم عيون حساد البرى
كبر حظي لو يجي منه البشير=كان أنا أسعد من مشى فوق الثرى

تجنبتـك ولا مـنـك خــراج =تقول النـاس هقـوى لاجـزم
وأنا فى حال نفسى فى سهـاج =رمانى بـس ماصـاب العظـم
سليم العظـم مافينـى انعـراج =بنيت وصـادف المبنـى هـدم
وعذب الماء القراح اصبح هماج =كـذب واشـى ونمـام يــذم
ولابه من سبب غيـر المـزاج =أناعنـدى علـى الدنيـاعـزم
ولالـى عنـد ذولاك احتـيـاج =أنا لـك ليـه ياوقتـى خـصـم

والود طبعي غير هو عيا الطبع لا يخرج من الروح=والحـب شلـش عليـه والحسايـف متعبتـنـي
هم علموني بضحك السن حتى صـرت مجـروح=واستقصدو الصـد والهجـران واولهـا مزوحـي
الله يجازيك يا مـن هـو مفـرق بيـن الاثنيـن=فرقـت بينهـم عـقـب مــا كـانـوا نيـامـا

يا شايل السامر قلبـي معـك سامـر=والقلب مـع ردت الطيـران خفّاقـي
شيلو على طرقي مع سجيـع الورقـي=واللي براه الهـوى عفّيـن ومشتاقـي
سرى سرى ليلي يـا عـادل الميلـي=ولا بقى ما الذي ذا النـوم لـي باقـي
لا تجرح فؤادي يـا غايـة مـراد=عطني عقب ليل عمري صبح واشراقي
تو الهـوى تـوّه لا تنطفـي ضـوّه=ولا تحرم اللي تذوّق عقب مـا ذاقـي
حتى نسى الغيمة أخـذت أنـا غيمه=حبه سرقنـي وأنـا عشّـاق سرّاقـي