وين أنت يا سيد المزايين وين أنت =وين أنت ياللي شوفتك من حياتي
عز الله انك في عــذابــي تــفــنــنـت=خليتني بين الرجا والمماتي
مال الجروح اللي في قلبي دوا إلا إنت=بعدك يعذبني وقربك غناتي
أن ما حصل وصلك تراني تعذبت= وانت السبب وعيونك الناعساتي
ما تدري إنك في مصيري تمكّنت=وتلفت روحي يا شبيه المهاتي
ليتك معي يا نور عيني تجمّلت= قبل الرحيل وقبل وقت الفواتي

وين الأمل كان الرجاء فيك مقطوع=وإنت الحياة اللي عليهـا الشفاقـة
حسيبك الله لعتنـي بالهـوى لـوع=واولعت في وسط الظماير حرّاقـة
لا غبت عني هلت العيـن بدمـوع=لاني بمنهن ساقي ديـم الصداقـة
فيك الحلا والملح والزيـن مجمـوع=وفيك الجمـال وخفـيف دم ولياقـة
ياللي على خدك زهر ورد وشمـوع=شقت الذي ما كل من شاف شاقه
#الهجر من بيـن المحبيـن ممنـوع=ياشين عقب العرف قطـع العلاقـة #

يقول من عدّى على راس عالي =رجمٍ طويلٍ يذهله كل قرناس
ذي راس مرجوم عسير المنالي =تلعب بها الأرياح مع كل نسناس
في مهمه كفر من الناس خالي =أشتاق له من حس في القلب هوجاس
وقعت في راســـه وحيــد لحــالي =كأني براس الرجم مذبوح الـــراس
مذكر في مرقبي وش جرالي =وصفقت في الكفين يأس على يأس
أخــذت أعد أيامها والليالي =دنيا تقلب ما عرفنا لها قياس
كم فرقت ما بين غالي وغالي =لو شفت منها ربح ترجع للافلاس
تقطعك دنيا ما لها أول وتالي =لو أضحكت للغبن تقرع بالاجراس
المستريح اللي من العقل خالي =ما هو بلجّات الهواجيس غطاس
ما هو بمثلي مشكلاته جلالي =أزريت أسجلهن بحبر وقرطاس
حملي ثقيل وشايله بحتمالي =واصبر على مرّ الليالي والاتعاس
وأرسي كما ترسي رواس الجبال =ولا يشتكي ضلع عليها القدم داس
لا خاب ظني بالرفيق الموالي =مالي مشاريه على نادي الناس
لعل قصر ما يجيله ظلالي =ينهد من عالي مبانيه للساس
والبوم في تالي هدامه يلالي =جزاك يا قصر الخنا وكر الادناس
لا صار ما هو مذهلا للرجالي =وملجأ لمن هو يشكي الظيم والباس
حسناك يا منشي حقوق الخيالي =يا خالق أجناس ويا مفني أجناس
متى تربع دارنا والمفالي =تخضر فياض عقب ما هي بيباس
ونشوف فيه الديدحان متوالي =مثل الرعاف بالخصر مدقوق الالعاس
ينثر على البيداء سواة الزوالي =يشرق حَمارة شرقة الصبغ بالكاس

يا مرحبا يا معنّى خط الأقلام =مثائل شوقتّني في معانيها
حيا المثائل يا سلالة نسل الكرام =يا من بيوته عن الزلات يحميها
من داثر الوقت وهذا طبع الأيامي =مرات تصفى ومرات الكدر فيها
كم وارداً ضامياً صد درب الأحيامي =وكم وارداً شرب من صافي مغانيها
لا تنظر اللي مضى وتعد الأيامي =ارعى ربيع الزمان أول لياليها
حلو الليالي تعوض مرّ الأيامي =ما يحسب الوقت ويفكر في ماضيها
لو كان ما بي تقساه جفت أقلامي =من حرتي أبدع أنفالي وأغنيها
ردار فكري يصورلي مضن زامي =في هندس الليل يوم أرتاح غافيها
يوم الخلايا تنام وفكرها نامي =حرام عيني لذيذ النوم يغفيها
حالي كما عشب صيف صابها الضامي =ولا كما وردة جفت نواديها
نار الغضى والتوقد في بحر طامي =(خالد) وعيا مولعها يطفيها
ريم رعى في الفياض وزهر الاوسامي =قائد خشوف الجوازي في مفاليها
بأرض محيله ولو توطى لها أقدامي =تزهى وتضحك لها الدنيا وتحييها
سود الليالي مع سالفات الايامي =نأخذ مجازمها ونترك تواليها
نمشي على درب ما تاطاها الاقدامي =وإن وعرت الارض يعجبني المشي فيها
يا خوي أنا ريت رويان وهو ضامي =يا كيف عطشان في جاري سواقيها
ريح ضميرك ولو هيم بك هيامي =حقا على اللي جرح نفسك يداويها
يا مفطر الوقت هذا شهر الصيامي =وليلة القدر في أخر لياليها
يا زين هد الوحش بعض الأيامي =في ديرة قفرة عسره مضاويها
أشقر طويل المعنق يبري أعظامي =صوايده من فنادي الصيد يدميها
يا شيخ هذا زمان كله أنعامي =الذئب جائع وشبعانه حصانيها
لو كان يبغى يغزو نابها الدامي =يا كيف تكسر جوارحها طواريها
وكل مخلوق في الدنيا فلا دامي =لابد تنهي مغازلها مطاويها
وأخر كلامي بحرف السين واللامي =والميم والعين تتلاها قوافيها

ياعشيري شمسنا غابت علينا =ليت شمس الحب تطلع من جديد
شمسنا اللي جمعتنا واهتنينا =كل يوم فيه أشوفك يوم عيد
مرت أيام السعادة مادرينا =ماحصل للعين منك تستزيد
افترقنا وانجرحنا وانكوينا =صار شوفك لي وشوفي لك بعيد
الهوى ماهوب حكمة في يدينا =والغلا والحب سلطانه عنيد