مهما يقولون مهما صار مهما تم=إنت البدايات وآخر ساحل و مينا
من هرجة الناس للعذال لا تهتم=لو هم يحسون فينا ما حكوا فينا
ما عقب شرب الصبر والمر والعلقم=شي على طاري الفرقا يودينا
حنا اجتمعنا وشمل العاشقين التم=خضنا حروب الهوى فزنا وردينا
أهواك ما هي مواويل بها اترنم=ترى المواويل هي اللي تغنينا
منّا الوفا يا وفي الروح يتعلم=كل التعابير تبحر من شواطينا
حبيب عمري حياة القلب خل الهم=تقسى الليالي ولكن ما تقسينا
وكان جدت جدايد حبنا أقدم =ولا عاش راس على الدنيا يبكينا

ماكـل حـب يدخل القلــب سكـان =بعض الغلا لامن خذى ايام راحي
يــروح كـنه ماتــصـور ولا كــان =ويمحاه من لوعات الايام مـاحـي
والله لو ان الحب يشرى بالاثمان =لاشريه من خبل واحطه بصاحـي!
خل التغلي عنك يامـطـرق البـان=هواك طارت به هبوب الرياحـي
والله لو تلـبس عـقــود ومرجــان =وتغضى بسود كن فيها الرماحي
إني عليك ابعد من النجم لابان =أو برق صيف في دجى الليل لاحي

مرتاح أحبك ولا علمت =حتى انت عييت ابين لك
البارحة يوم أنا سلمت =شكّيت لو عيني تدلـــك
برق لمع بالعيون وخفت =مواجع القلب توصلك
عساك في ناظري ماشفت =كيف المعاليق يومن لك
من خوفتي لاحترق جنبت =هربت من شمسك لظلك
أخشى عليك الهوى لو طحت =وما تلني يمك يتلك
أبي قليلك ولا حصلت =بعضك تركني مع كلك
مدري صواب او خطا ماقلت =إنك حبيبي وانا خلك

نوى القلب نيّة مانواها لاحـد غيرك =نوى القلب يمشي لك على السمع والطاعة
مع الشك والغيرة وهجرك وتقصيرك=أحبك وأقول أمرك له الروح خضاعة
جمعنا طريق الحــب وأنوار بتنويرك=عـلى صدفة قلوب الأحــباب جماعة
ملكني هـواك وقادني بامر تدبيـرك=أمـانة معك روحي من البــعد ملتاعة
تغزلت بك والشعر من بعض تعبيـرك=كلامك ســحــر يخلف موازين سماعة
تقول الغزل مني شغل كل تفكيـرك=عسى واعسى والنـفس بـزود طمـاعة

وقـّف تـرا لـي مـع شفايفـك ميعـاد=بينـي وبيـن المـوت معسـول ماهـا
طـــق الـلـثـام ولا تـبـيـن لـحـسـاد=لا لا تـخـلـي كـــل عـيـنـن تــراهــا
فـي شفتـك جمـرٍ حَمَـر فيـه وقــاد=أغليـت أنـا لـون الجمـر مـن غلاهـا
أخـاف مـن واهــج شفـايـاك يــزداد=يـحـرق ورود الـخـد واهــج سنـاهـا
رمشٍ علـى جـال النواعيـس صيـاد=ذبـح القلـوب اللي يتعـرض حمـاهـا
عقلي وقلبي منك في حرب وجهاد=واخــاف دق القـلـب مـيـل خطـاهـا