لا يطــوّل غـيابك ثم أخـذ علـيه =لو تخليت عني عنك قـلبي تـخلاّ
العذر والتعليل والحكي ما نبيه =من تحرّك فؤاده بالهوى ما تغلاّ
طبعي الصبر لكن وش عليه ارتجيه =من طويل الصبر يعقوب وأيوب مـلاّ
دامني حي عطني وش بقى نحتريه =ما بي أدموعك اللي عقب موتي تهـلاّ
ما بقى بالعمر مقدار ما راح فيه =كل ما زل يومٍ يوم بالعمر ولى
ما يعرف الجمر مثل الذي يكتويه =أحد يدفى بناره وأحد فيه تصلى
يا من القلب حطيته براحة يديه =ما رضاله مـكانٍ غـير كفك مـحله
كم تعذر وعياه عن هواه مهتويه =لين طاح بيميناك بالغرام وتجـلى

لو كلفتني المحبة من عمري ما قد بقي =ما باح سري ولاني من هـجـركم بشتـكي
يا ظالمين المحبة ما ترحمون الشقي =ضاعت حياتي معاكم ويش اللي عاد ارتجي
لو كان هوانا هواكم في ربعنا نلتقي =لكن نصـيبي وحـظي حـاكم بــذا خــالقـي
يا عذبة الحسن بالله بالنار لا تحرقي =قلبي وكفي دلالك يـا حلــوتــي وارفـقـي
حسبي من الود نظرة أعرف بها مخرجي = واعلل الروح فيها واقول يمكن تجي
يا ليتني من البداية ما شفت خده نقي =إنت السبب يا فؤادي ويا عيني ليه تعشقي

لو تخليت ويش لي بالحياه أرتجيه =لـو تخـليت ما عـــنك خـفـوقي تخلاّ
والله أنك ملكـته قمت تربعت فيه =وما لغيرك حبيبي وسـط قـلبي محـلَ
يا هناه وعذابه كيف تقسى عليه =كيف طاوعت شعري بالمشاعر تسلاّ
لا تجنى ترا كلا لحبيبه يجيه =ولا تزيده تـــراه مــن الغــرابـــيل زلاّ
أنت فرحه وجرحه وإنت ما يمتنيه=وإنت مضنون عينه لو عليكم تغلا

لا والذي صورك مالاق للعين=غيرك ولاسوي بي أحدٍ سواتك
إنت الذي حطيت بالجوف رمحين=رمح العيون ورمح وردي شفاتك
وإنت الذي زينت ياغاية الزين=حياتي ياللي نورها من حياتك
أحب فيك العطف واللطف واللين=واحب فيك رضاك عقب زعلاتك
وأحب فيك الحب ياجامع اثنين=الزين وطبوعٍ تكمل حلاتك
وأحب هاك الجيد بين الجديلين=وأحب ماتخفيه طرقة غطاتك
ياجارح المجروح لاتودع البين=يقضي علي بغيبتك وسفراتك

لا والذي سواك ما أريد سلواك=ما أخبر نفس قد تمنت قدرها
كان التفرق قد عجل عيني عنك=أنا الذي روحي عذبه صهرها
والله لو ما عشمت نفسي في رجواك=واعلم وكاد إنه يهمك خبرها
لفني شعاع العصر لاغيب ضياك=عميت عيون ما يطولك نظرها
ودنيا خلت من صافي الود وياك=ياعلةٍ شمسها مع قمرها