للدار وحشة عقب سيد هل الجود =وعيني غشاها عقب شمسه ظلالي
ما لوم رجلك لوشكت كايد الكود=أتعبتها ترقى سنود المعالي
للجسم حدّ وغايتك مالها حدود=ظلمت نفسك من قديم وتالي
تمشي وعرها كنه سهول ومهود =لله درك ما تـــعاليت عالي
ما تنتظر للجود ياشيخ مردود=تشرب مرار وتسقي الغير حالي
ماينثني عزمك خطير على الزود=من عالي تجمع على رأس عالي
يا طيب طابت لك البيض والسود =أسرت في حبك قلوب الرجالي
يفوح مع ذكرك شذا الورد والعود =وكل ينعم إلى جا مجالي
مرضك يمرضني وسعدك لي سعود=ياليت ينقل عنك ضيم الليالي

لا تجرحيني .. جرحك العام ما طاب =داوي بحنانك ما مضى .. واجرحيني
ياللي حنانك نظرة بين الأهداب =ردي علي بعض العزا .. ناظرينــي
خافي على قلبٍ يحبك إلى ذاب =ذاب الهوى في خفقته .. والحنــــيني
لولاك ما زار القمر ليل الأحباب =ولا لوحت شمس المحبه جبـــيني
ولولاك .. ما يلفي على الدّار غياب =ولا تبكي اللي فارق الدار عينـــي
في غيبتك كل الملا عندي اغراب =ما أحدٍ أبي قربه .. ولا أحدٍ يبيــني
لا ياغلا كل القرابه والأصحاب =ضاع العدل في الناس لو تظـــــلميني

لو يبور الملا ما احسب حبيبي يبور =وأحسب اني أموت وما يموت الوفا
وأحسب انه هــاك الموده غيور =ما أحسب ان الشعاع اللي في قلبه خفا
ليت يا نور عيني وانت للعين نور =يختفي نـــور وصــــلك في ظلام الجفا
أثر قلبك على فرق الولايف تثور =وأثر طرفك الى سحرك في عيوني غفا
وين هاك الونين اللي يشق الصــدور =وين هاك الـــدموع اللي تشق الصفا

لا لا ردي على الصـوت لا لا ردي حـياتي =لا لا صـمتـك على شـكوى حـنيـني مذّله
لا لا إمّا اقـطعي بالوصل حـبل الـنجاتي =لا لا ولاّ عـطيني باقي الود كـلّه
لا لا توعـديني عـذّب الصـبر ذاتي =لا لا والبعد حـالي من ظنا الوجـد تـلّه
لا لا اشـكي الجـفا لك .. ماشـفـيتي شـكاتي =لا لا والوعـد الاول للـقاء فات حـلّه
لا لا يرضـيك يصـبح شـملنا للشـتاتي =لا لا يرضـيك نرضي كل نـفسٍ مذلّه
لا لا يرضـيك لا فـرحـو بهـمّي عـداتي =لا لا واقـفـو يقـولون الغضي عـاف خـلّه
لا لا ردي على الصـوت لا لا يكـفي السـكاتي=لا لا قـولي لغيري ماهـفى القـلب لله

تنزعج ما ودي أزعجك واشقيك =بس القدر حكم بحكم الفراقي
أرغمني أبعد عنك يا لوعتي فيك =أصبر لين الله يحكم التلاقي
ما هو بقلبي لو تصبر تناسيك =بعدك على هالحالي زاد أشتياقي
أبنتظر لو طوّل الوقت وارجيك =وأشيل حمل الشوق لو ما يطاقي
أنا على عهد الموده مصافيك =ولو تحدى الوقت ما زلت باقي