ضناني الشوق
كلمات : مهدي بن حمدون

ضناني الشوق وازدادت شجوني
وكثر الدمع قد حــرق جفوني
من اللي حبهم قلبي نسوني
ولاحتي بكلمه يذكـــروني

تناسوني وأنا قلبي معاهم
جافوني وأنا اقدس هواهم
ولافكرت مره في جفاهم
ويش أسباب هجري يهجروني

أنا قلبي عليهم كم تعذب
ومن نار الهوي يصلى ويتعب
فهل هذا جزا ياناس من حب ؟
ويكفي بس تعذيبي ارحموني

أبات الليل متألم وساهر
عديم النوم للأحباب ناطر
يزوروني زيارة جبر خاطر
عساهم من عذابي ينقذوني

طولت بالي عليك ..

طولت بالي عليك أكثر من اللازم ..
باين في جوه عنيك الغايب القادم ..
ينذرني بالتغيير يتهمني بالتقصير
لا بس كده مايصير..!

لا إنت مو إنت ..
شايفك كده مقلوب ..!
وإن جبت لك سيرة صح أنا المذنوب ..
وأذوب من التفكير ويخونني التعبير ..
لا بس كده مايصير ..!

إهدى وتأكد بلاش من ذا الحال ..
لا شي يغيرني إهدى وهدي البال ..
سيبك من التفكير وحكاية التغيير ..
لا بس كده مايصير ..

طال السفر
كلمات : خالد الفيصل

طال السفر ...
والمنتظر ملّ صبره ..
والشوق يا محبوب في ناظري شاب ..

رد النظر ..
خليت بالكف جمرة ..
لهيبها في داخل القلب شبّاب ..

عزّ الخبر ..
والمهتوي ضااااااق صدره ..
يا من يرد العلـم عـن هـاك الأحبـاب ..

طيفه عبر ..
ماارسل مع الطيف عذره ..
هو خاطره من لوعتي مـا بعـد طـاب ..

هو ما ذكر ..
إن الجفاااا فيه كسره ..
للخافق اللي من هـوى صاحبـه ذاب ..

# ياما سهر ..
طرفي على حبس عبرة ..
أردها والوجد للدمع .. جذّاب .. #

دمعٍ حدر ..
جاله على المنع جسرة ..
عظيـم وجـدي للـدمـع شــّرع الـبـاب ..

يوم وشهر ..
عزّاه والعمر مرة ..
والنـاس واجـد لكـن الـولـف غــلاّب ..

عيني يا ولهانة

كلمات / سمو الأمير بدر بن عبد المحسن ..

عيني ياولهانة

وعيني ياسهرانة

السهر لعيونه

والعناااا .. من شانه

والذي باسبابه نقبله نرضى به

عيني يامبلية

وش بقى بيديااا

سافر وخلاني

شمعتي مطفية

عيني ويش تسوي

دمعتك ماتروي

لوعتي عطشانة

دمعتي بعيوني لعبة لظنوني

لختفى مظنوني

عيني ياولهانة

لا تسألوني
كلمات : دايم السيف ..

لا تسألوني ليه أنا
عاشق خزامى مستهام

اذا عـرفتوني أنا
تدرون وش سر الـغرام

أصـلي أنا بيتي شـعر
والبــر هـو ديــرة هلي

فرشي ثرى وسقفي سما
وتــرابها غالي عـليّ

أشفق على خزة ظبي
في طعس من فوق الغدير

ومشاهدة سرب الـقطا
مــن روض للثاني يطير

الله على شمس المغيب
والليل اللى نسنس هواه

الضّــو تــــقدح بالجمر
والنجم يقدح في سمــاه

ياربَّ سبحانك تقبّل من دعاك وهو كسير
OOOOOOO وحنّا لغيرك ما حنينا الراس في سرّ وجهر
يارب تُرينا من عجايب قدرتك في ذالحقير
OOOOOOO اللي تجرأ وسب نبيّك سيّدي سيد كل البشر

اللهم ياذا الجلال والإكرام أدعوك باسمك الأعظم
أن تبسط على والداي من بركاتك ورحمتك
ولا تجعل لهما حاجة عند أحد غيرك
وارزقهما الجنة واجعل أوسع رزقهما عند كبر سنهما
اللهم إني أعوذ بك أن تردهما إلى أرذل العمر
وتقبل توبتهما وأجب دعوتهما
وأعنّي على برهما في كبرهما حتى يرضيا عني فترضى
آمين