من خصايص عنود الصيد كثر الطواري =عادة الظبي يجفل لي تحرك ظلاله
ما يصيد الجوازي كود بخص وضاري =القنص بالركاده والتسرع جهاله
ولا يعرف الطرد من لا يعرف الصحاري =ما تعرض سموم ولا تعرض شماله
كل درب عليه من المخاليق ساري =للسوالف رجال وللشكالة رجاله
وأنت عشقة حياتي يا غزال البراري =أتفاول بوجهك سعد من صرت فاله
أنت والله حبيبي وأنت والله داري =إن نظرة عيوني يم غيرك جماله
ما انقطع سيل حبك بالمعاليق جاري =كن قلبي خلقه الله لحبك سباله
ليلتي يا قمرها غار منها نهاري =حيث وصل المودة همسة في لياله
جعل واهج غرامك مثل وجدي وناري =مير ما أظن في دنيا المحبة عداله

علي ما باس ياللي تشتكي حب غالي =من متى شوف خل ما يدور زديله
واقّيد الناس لكن ما لي غيره مجال=لي ذكر ما مضاله والليالي الجميلة ..
يا وسيع ما عرفه ما جرالك جرالي =اسال اللي مجرب له سنين طويلة
لاتحصات وجد ولع عنا راسي مالي =زي سوات الهوى دايم حموله ثقيلة
الهوى يابو فيصل مثل سيد الظلال =ليت غير زمانه كل شيء يزيله

عيوني حزينة والسبب خافقي مظيوم=ولاهلت العبرات ماني بلايمها
كفى .. ياعذولٍ لامني ايش يفيد اللوم=أنا اسهر ليالي كاملة ونت نايمها
عيونك تنام وناظري مايذوق النوم=أزايم همومٍ بالهوى ماتزايمها
ولا صرت ما تدري وأنا صابر ومحروم =ترفق بروحٍ زايد الهم ضايمها
عليَّ الشقا ياصاحبي بالهوى مقسوم=ألا واعذابي طول الأيام صايمها

غــرتـني الأيام بقـبالها يــوم =واثـر النكـوفه عـند الايام عجله
جـتـني لياليها عـلى دف ونـغـوم =واثـر الليـالي بالغرابيل جـزلة
فرحت نهارٍ عـقـبـها ليل وهـمـوم =من يوم جـد بعد المحـبوب وصله
فرق الضحى تسهل على باقي القـوم =لكن عـلى الخـلان ما هـي بسـهـله
ما همني بعــد المـسافات معـلوم =لا شك بعـد القـرب للصـب قـتـلـه
راعي الهوى من راحة البال محروم =قربه وبـعـده نـار ما ينعـرفـله
عز الله إني في ظبي نجد مهـضـوم =راعي العيون اللي مع الزين خجله
من حـبـهـم كاني مـن الحب مظلوم =ونفـسي علـيهم ياهل العرف وجـله

غافل الهـم قلبـي الزمـان استـدار =وقلبي اللي هويته أصبح اليوم ضـدي
طال ليلـي ألا وينـه أبيـه النهـار =ضاعت خطاي حتى الدرب عيا يودي
يالغضي كيف أشوف الحلم والنوم طار=والحقيقه تعلّ الحيل غصـب وتهـدي
كل حزن تلملم من يميـن ويسـار =واجتمع في خفوق باح سده وسدي
ناظر الحال والعود الخضر كيف صار=الشقى محتوينـي والتعـب مستبـدي
خالف الحظ عمري واستثـار الغبـار=والبيارق تهـاوت والهزيمـه بيـدي
يالغضي طحت كلي في دهاليـز نـار=واستحالت دموعي جمرة فوق خدي
آه وا شقوة اللي عايش في انتظـار=من كثير التعاسة ما درى ويش يبـدي