تعال نور النور والليل ضوه =أبي في ليلي شمس بخجل بها شمس
وابي في ليلي ليل والليل توه =أثره شعرك الليل والشعر والهمس
واللي تبيه بالله ياخل سوه =لاشفت شمس الليل بنسى جروح أمس
عطشان حبك من هوى الحب روه=تعال طال البرد يادافي اللمس
تعال أشوفك في سما العمر نوه =يروى بها المعلوق وتربع الخمس
تعال كل النور والليل ضوه =أبي في ليلي شمس لو تظهر الشمس

طريح الهوى يصبر سواتي على ما جاه= كما إني صبرت وصرت بالصبر بلشاني
شبكني بشبّاك الهوى ويل من عنّاه=ملكني هوى من لا رحمني وعنّاني
سلامي على من قال عفت الهوى لولاه= هلا بالعشير اللي تعنّى علشاني
أنا صابرٍ طول الليالي على بلواه= وأنا من مودة صاحبي ربي أشقاني
أنا لى بغيت أنساه وأجوز عن طرياه= طرى لي (قمر خمسة عشر) كلّ ما باني

ياصاحبي طالت عليّ المسافة = كل مانشدتك قلت لي الدرب قدام
وعدك مثل باكر أحبه واخافه = وماينقضي باكر على مَرّ الايام
كان التعب يثمر فلا به كلافة = الله لو نقطف ثمر بعض الاحلام
ما اقول ضاع العمر عندك حسافة = إنت الثواني عشتها وإنت الاعوام
ودي ربيع الغصن يسبق جفافه = يامسقي العطشان من كاس الاوهام
كانك تعاف الصد حنا نعافه = ولا سهرت عيوني تبي عينك تنام
من لا خبر منك جميل خلافه =مايملكه وعد ترى السعد قدام

أعذلوني فيك عشاق النصيحة =وأنشدوني عن طرفي الحكية
أن شكيت الهوى قالوافضيحة= ان سكت استنقضوا جرحي علياااا
وعذابي كان لي نفس صحيحة =خيرت بين صدك والمنية
ان نويت البعد ضاقتبي الفسيحة = وان بغيت القرب خان القرب فياااا
كيف أبخفي الحب وجروحي صريحة=كيف أحجب الشمس ياخلي بيدياااا
كيف أداوي علة الروح الجريحة=وين أودي دمعة العين الشقية
من عذلني في الهوى الله يبيحه=ومن عذرني ماحصل مني خطية

يعتادني عـيد الشقا يـوم فرقـــاك=ويعتادني عيد الفرح يوم أشوفك
ماهوب عيد ما سمح لي بلا ماك=عـزى لعــين شوفهــا ما يحوفـك
يشتاق لك بالــحــيل قـلب تمــناك=قــلــب تعشق فيك كامل وصوفـك
قلب يشــع من الفرح لين لا قـاك=وليل تلاقت مع ظروفه ظــروفــك
ما ظــني أصـبر ياحــبيــبي بليــاك=من غير ما تلمس يديني كـفـوفـك