اللي يبينا عيّت النفس تبغيه=واللي نبيه عيّا البخت لا يجيبه
حنا نبيه لا ما ونحب إلاطاريه=الله لا يقطع نصيبي ونصيبه
من يوم شفّته خاطري مولعً فيه=قلت البخت يا سعد من هو يصيبه
أقفى وصد وقال يا من أنت هاويه=خبرك عتيق وقلت نفسي صعيبه
يا من له الخاطر شفوقً يراعيه=أتبع هوانا وغيرنا وش تبي به
اللي يدارينا ترانا نداريه=واللي تنّكر جعل ربي حسيبه

أنورت بقدومك الدار يا غالي =وأسفرت من عقب ماعاد غايبها
طالت الفرقا علىَّ وانشغل بالي=غربتك يا زين باليوم حاسبها
يوم طولت السفر زاد غربالي=ما تعيش النفس من غير صاحبها
لا تحسبنى عنك يا صاحبي سالي=شف دموع العين ماوقف ساكبها
الله أكبر كيف حبك برا حالى=وإنت عندك مهجة الروح سالبها
أنا أشهد إن الحب لروح قتالى=كانها عجزت تحصّل مطالبها
ما يفيد الحب الأول مع التالي=ذاك راح وذا لها الروح مجلبهاااا

عذاب الحب يذبح من يصيبه =بحر حبك غدابي وانتحابي
ولافزعه ولاديرة قريبه= أصيح صياح ماحيّ درابي
مصيبة وإن حكيت أكبر مصيبة= ولو أخفيت مايخفى صوابي
صواب الحب طبه من طبيبه= ولاجاني وصاة ولاكتابي
أسليبه عيوني وأهتنيبه =ألايازين تلعات الرقابي!
خساره حب غيرك وش أبيبه =ولكن من بغى وصلك يهابي
ولايوصلك علم أو يجيبه =تعذبني ولاتدري بعذابي

قيس حجم المسافه بين طرفك وعينك =قلبي اقرب لقلبك منها يشهد الله
ياللي شمس المحبه شارقه في جبينك=نارها في فؤادي أه من نارها آه
ليه تحرم حبيبك من دلالك وزينك =عود واملا حياتي بحبك ما غيرك أهواه
رغم بعد المسافه حس بيني وبينك =حبي لايمكن أنك عند غيري بتلقاه
واحسد الناس ليبعيونهم شايفينك =ما بي حد يشوفك غير أنا يعلم الله
عاشقك طول عمري وانا بحاجة حنينك=احترق شوق في غيبتك والبعد ما قواه
السعادة في قلبي عمرها في يدينك =ما أظنه عذاب القلب لي أنت ترضاه
يا حبيبي كفايه عود لي أنت وينك =لا تعلق فؤادي في سماء الحب وأجواه

تلعب وانا .. ما عاد لي بالطرب شف =لعبك بروحي بدل الفرح بجراح
زل الطـــرب يا موجــع الطــار بالكــــف =شابت قوافي الليل .. نور الضحـــــى لاح
كانك تدق القلب .. دقك على الــــــــدف =عسى الضلوع توقي القلـــــــب لا طــــاح
شفتك .. ولا ادري من قضب بعدك الصف =ناس ٍ كثير .. وكنهم عنــــدي أشـــباح
نورك دعاني عندك الشــــــوف وقــــف =كنه فنارٍٍٍ لاح في عيــــــــن مــــلاح
من له ثمان اسنيـــــن من راح مـــــنكف =خلّى السفين وعارض المـــــــوج سبــــاح
من فرحته ما حسب االحــــــيل يتـــــلف =غلب عليه الموج والقـــــــــاع منــــزاح