هلا يا بو شعر ثاير= كسى بظلـه جبينـك
يا ليتني بالظفاير =شعره على رمش عينـك
ظالم وفي الحكم جاير = وبرضنـا قابلينـك
ما دام سر الضماير =بيدك يا بو شعر ثايـر
نظرتك فيها تحدي= تقول للصمـت حـدك
والغصن لما تعدي = يغار .. من لي قدك ؟!
والورد يشكيك عندي= سرقت لونه لخـدك
احلى المخاليق عندي =تبقى يا بو شعر ثاير
خلقت للحب معنى =سامـي ودنيـا جديـده
سمعتني فيه مغنى = ما فيـه نغمـه زهيـده
بحلى العواطف جمعنا = نمشي على ما نريده
لأمر المحبه خضعنا =بامرك يا بو شعر ثاير

عيونك لا توريهـا = لغيـري لا توريهـا
عيونك لي ولو أقدر =عيونك عنـك أداريهـا
انا لو بعت نظراتك =أبيع العمـر واشريهـا
عيون الليل انا بالحيل= أحب أسهـر لياليهـا
واحب ابكي وهي تبكي= وفرح للفرح فيهـا
حبيبي لو ضمنت اليوم= أعيش الشك في باكر
يجي مستقبل الأيام= يغيّر فيه هوى الحاضـر
يغيرك الزمن بعدي= تعلـم طبعهـا الغـادر
أخاف عـيون ما يدرون =وش الـلي يجرح الخاطر
عـيونك آه لو يدرون =حـياتي فـيها للآخر

يا كيف تنشد عن أحوالي =وإنت عليمٍ عــن الحالة
حالي تمناك يــا الغالي =بقفاية الفكر واقباله
لك وحشةٍ يا هوى بالي =زادت علـى القلــب غرباله
كأني مع الناس بالحالي =والشوق وثـّـق بي أحباله
بغيت أنا الصبر ما جالي =ما اقوى العزى عنك محتاله
عزاه يا خافق مالي = ناله من الوقت ما ناله
يالله يا ربي يا والي =جبلي من دواه بوصاله

لا تقول إنك تحب =وينـك وويـن المحبة
لا تقول انك وفي = الوفـى ضيعـت دربه
المحب مهما تصبـر = دائـمٍ شوقـه يغلبـه
الوفي يا نور عيني = ما يخـون اللـي يحبه
آه يا جرحٍ بقلبي= وين أبلقـى اليـوم طبه
بعت محبوبك يا غالي=الوليف أرخصت قربه
وما رحمت دموع عينه=والونين اللي بقلبـه
أسألك باللي خلقنـا= داعـي الاشـواق لبّه
أو تسهل في إختياره= خـل محبوبـك لربـه

مابقى لي قلب يشفع لك خطيه=ذوبتني جروح صدك والخطايا
صاحبي بالله لاتعتب عليه=العتب ماعاد تاسعه الحنايا
لا تمنيني بسراب المهمهيه=القراح اليوم ماتروي ضمايا
الله أكبر كيف مالك مقدريه=كلما تحمل من نفسي بقايا
كل جرح فات لي منك هديه=وش بلاك تخاف من رد الهدايا
إن غدالي الحب في قلبك شظيه=ايش يقول اللي غدا قلبه شظايا