أقول يمكن تجي وأخاف ما تدري =إنك بقلبي وحبك ساكن أعماقي
ياللي رسمت القصايد فيك من بدري =ضيعت درب الغرام وضاعت أشواقي
هدرت وقتي ولكن ما نفع هدري=عطيتك العمر نصفه والشقا باقي
كله لعين الجمال ورمشك الخدري=اللي سكن في حشاي وشد خفاقي
ومع كل هذا يا غالي ما نقص قدري= وأنا وفي الغرام وطيبي أخلاقي
من يوم طلة هدبك ووجهك البدري =كتمت سر المحبه والهوى الراقي
قلبي رفض يكشف أوراقك وأنا أدري=إنك من العام الأول كاشف أوراقي
لي صرت تسكن حشاي وديرتك صدري =أبخفي الحب وأخلف هقوة الهاقي
وإذا سألني أحد بقول له مدري=بس المصيبه شنو اللي يستر أحداقي
جيتك وانا الهم من فوقي ومن تحتي= ودي تزيل العنا وتحلل وثاقي
ذكرتني ( أغنية ) وتجول في صدري =لسلمان حميد فيها جملة أشواقي
( ياللي على البال وأنت ما تدري )=أنا أحبك وحبك ساكن أعماقي