[poet font="Simplified Arabic,5,burlywood,bold,normal" bkcolor="darkred" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياخايفه لو عارفه .. لا ما تشيلين الظنـــــــــون=إحترت في طبعك أنا .. يا هاديه يا عاصفـــــــــه
إحترت في طبعك أنا .. يمكن أكون ولا أكـــــون=واحترت في زينك أنا.. ياللي بزينك نايفــــــــــه
يا فرحتي يا رغبتي .. يا منوة القلب الشجـــــون=خلّي ظنونك تحترق .. إنتي لقلبي كاشفــــــــــــه
مهما اقول إني نويت .. أنسى عيونك ما تهــون=وعندي غلاتك ما تقل .. يا راغبه يا عايفـــــــــه
لا تستغلين الصفا .. مع طيبة القلب الحنـــــــون=يا فرحتي ليه القسى .. كنّك لقتلي حالفـــــــــــــه
ماظن قلبٍ لك وفا .. يا غاليه يقدر يخـــــــــــون=ولاظن قلب اللي هوى .. تبقى الظنون تحايفــــه
ضاقت عليّه دنيتي .. يوم تقفيتي بهـــــــــــــــون=خانتني العبرة معك .. بس المحاجر ناشفــــــــــه
إذا صفا وقتك معي .. الفرح غنّى لي لحــــــــون=وإذا قسى وقتك معي .. كل الظروف مخالفـــــــه
عمر الجمر يا غاليه .. ما يهدي البسمه عيـــون=إلا انتي جمرك يا المها .. أضحك عيوني الخايفه
نسيت قسوك والزعل .. قلت القسى منّك يمـــون=وش عاد لو عينك قست .. أدري القلوب موالفـه
الشمس والقمرا وأنا .. والكون لعيونك نهـــــون=عن حالنا لا تنشدين العين .. وإنتي شايفـــــــــه
كل الدروب إلى إرتوت .. عشقي مع كف المزون=صارت دروبي كلها .. في يمّتك متحالفــــــــــــه
مادام لك كل الوفا .. ومادام لك اقسى عيــــــــون=من وين جبتي يا المها .. كثرة برود العاطفـــــه
سوالفٍ قلّبتها بالراس في لحظة جنـــــــــــون=لقيتك إنتي يا المها .. أحلى جنون السالفــــه
[/poet]

ارجو ان تنال اعجابكم i: i:

لا تحاول أن تجعل ملابسك أغلى شيء فيك ، حتى لا تجد نفسك يوماً أرخص مما ترتديه