نظمت حلو الشعربيت ورى بيت=وأهديت لك مع خالص الطيب ودي
ياما من أجلك كم تعبت وتعنيت= وحسيت كن الكون والخلق ضدي
أشتقت لك وعليك ياشوق حنيت=حتى أنفضح بين المخاليق سدي
علمتني كثر الصبر لين مليت=وعلمتك أني وافي عند وعدي
ياما بمرهوف المشاعر تسليت=وياما عليك أزداد لوعي ووجدي
لاأعطيتني صدق المودة ولا أبيت=مرّه تبادلني وعشرتصدي
الذنب ذنبي ليت ماكان حبيت= ولا سهرت الليل وبقيت وحدي
أنا على روحي جنت وتجنيت=وعلى العموم أعطيت من الحب جهدي
غلطان وإعذرني إذا كان زليت=وآسف إذا كني تعديت حدي
آخر كالامي ليت ياليت ياليت= ما أتعبت نفسي بين هزلك وجدي
ولا نظمت الشعر بيت ورى بيت =ولاأهديت لك مع خالص الطيب ودي