انت اول الحب واحساس الوله كله
يامشرق في سماء قلبي وفي عيني
في داخلي لك محل ماحدن حله
الا انت ياللي تذكرتك وناسيني
وارجي سحابك يهل الغيم ماهله
وراحت بحبك سنين الحب وسنيني
احاول انسى غرام ظلني ظله
وغيرك ولو كان جنبي مايكفيني
واليوم قلبي على كيفك ومحتله
مره يجيبك يسار ومره يميني
ايوالله اني احبك دون خلق الله
ويحبك القلب واحساسي ومافيني
وانت القمر والقمر وشلون ابوصل له
لامن بغيته قصيره دونه ايديني
ومصير الايام تجمع خل وخله
وتزيل كل العوائق بينك وبيني
وانا احبك وكل الحب لك كله
ياغالي مسكنه قلبي وفي عيني

تحياتي