عام الفيـن وثلاثـه واربعـه عطنـي يديـك=ياحبيبٍ صار حبك في هـواي اخـر موديـل
بس قبل تموت فيني صـح ولا امـوت فيـك=خـذ شروطـي فالمحبـه لا توهـق ياجميـل
شرطـي الاول سـؤال موجهـه منـي اليـك=فالبدايـه هـل تحملنـي تـرى دمـي ثقيـل
وشرطي الثاني ما ابيك تحط مع حبي شريـك=والعهـد والله مـا ادوّر فيـك يالغالـي بديـل
وشرطي الثالث ما ابيك تشوف نفسك بل ابيـك=شخص متواضع ولو بالزين مـا مثلـك مثيـل
وشرطي الرابع نواصل ترتجينـي وارتجيـك=فالحياه ان كـان ربـي مدنـا عمـرٍ طويـل
وشرطي الخامس وعدنا يحترينـي واحتريـك=بالامانـه والميـانـه فالكثـيـر وفالقلـيـل
وشرطي السادس لا تسمع هرج ذاك وهرج ذيك=ولا خلك مع حبايـب قـوم قـال وقـوم قيـل
وشرطي السابع اذا ردتني ظروفي مـا اجيـك=لا تشـك ولا تعاتبنـي تـراي اوفـى خليـل
بعد هاذي كلهـا بالـروح والعمـر اشتريـك=لا جل نضرب اروع الامثال جيلٍ بعـد جيـل
بس لو ازعل عليك اموت ما ارضـى عليـك=انـا لا قفيـت يالغالـي رجوعـي مستحيـل