منتديات بني عمرو - عرض مشاركة واحدة - فتاة سعودية تقود سيارة في شوارع الرياض !!

10-21-2005, 10:35 PM

الله حلوةهالإرشادات ياأشقر شفت كيف حتى انت بدأت تقتنع بأننا بنسوق السيارات ..
وترا ما حب السرعة ...
بالعكس .. أحب أعمل كل شي بهدووووووء
ترا كنت أمزح لما قلت إني بفحّط في شوارع الرياض !!
ههههه ..

ياخووووووووي / الأشقر ..
ردنا ماكان عليك إنت بالذات يعني ..
إنت واحد من الرجال اللي نظرتهم كذا لقيادة المرأة والدليل نقلك الموضوع ..
فكان طبيعي من باب الاحترام لأن حضرتك صاحب الموضوع .. أوجه لك الرد ..

لكن حتى بكلامي ذكرت إن الكلام مو موّجه بصفة خاصة لك ..
وأيدتني وأكملت بما يجب أختي / ذات الشأن ..

وأكيد ياخوي كل إنسان له وجهة نظر في قيادة المرأة للسيارات ومن حقكم علينا احترامها
لكن هذا في حالة إن الموضوع مجرد " أخذ آراء"
بعيد عن السخرية والاستهزاء وضرب الأمثال البعيدة كل البعد عن احترام المرأة
مثل ما جا في نص موضوعك وفي ردود بعض الأخوان ..

موتكتب موضوع من أوله لآخره فيه عدة تصرفات خطأ وتقهر
وبعدين تنسبون الخطأ في كل شي للمرأة ..
وتلومنا في ردودنا ؟؟!!! ليش إحنا ما عندنا إحساس يعني ؟؟
الكلام هذا اللي تكتبونه ما يمسنا إحنا ؟؟؟

بالله ياخوي الأشقر وش بيكون تصرفك إذا أنا كتبت موضوع كله من أوله لآخره
تهزيء وسخرية بالرجل والزوج السعودي
ودخلوا البنات وقعدنا قلبناها تريقة .. ماراح تزعل ؟؟

أكيد بتزعل وكلكم بتزعلون والله غير تتدخلون تقلبون الموضوع على روسنا
ومو بعيد تحذفونه بعد ..

إحنا ايش عملنا ؟؟؟
ردودنا ياخوي كانت رد فعل طبيعي على الموضوع الساخر وردوده المستهزأة .. بس ..
ما جرّحنا في أحد ... بالعكس أعدنا وكررنا حقائق عن الشباب إنت بنفسك ذكرتهاااا ..
بخلاف الموضوع والردو اللي كانت مجرد خيالات وأحلام عن اللي ممكن يصير
لمااااا يسمحوا بالقيادة للنساء ..

يصير من اللي له الحق يزعل ؟؟

انتوا ؟؟؟
مع العلم إن كل اللي ذكرناه احنا كان مجرد رد على كلامكم وحقائق مذكورة في ثنايا موضوعك ..
ولا احنا اللي لازم نزعل على خيالاتكم الخصبة اللي كلها استهزاء بنا ؟؟

ومع كذا احنا مازعلنا ... وردينا عليكم بما يجب ..

وأكرر مرة ثانية ..

ياخوي ردودنا أبداً ماهي موجهة بصفة خاصة لك ..
إنت إنسان محترم على العين والراس ووالله ما شفنا منك إلا كل خير ..

وإذا كانت ياخوي الدعوة وجهات نظر مثل ما قلت ..

فأكيد إنت سيد من يعرف إن الاختلاف في وجهات النظر لا يفسد للود قضية
ياطويل العمر والسلامة

وأخيراً ...

الأشقر ...... يو تيرن !!

هههههههه ..