سلام والسلام إلزام وعلـوم الشـرف ديـوان=وجزلات المعاني فـي هـل الأمـداح تنقـال
سلام يا رجال بـذوا أهـل الشعـر والقيفـان=مدايحهم على ما مـر مـن طيبـات الأفعـال
بني عمرو أهل جولات وصولات طوال أيمان=عريبيـن الجـدود الأول فــي ذرا التـالـي
توارثنا الجمايل والولـد مـا خالـف الجـدان=علـى سلـم الوفـا والطيـب ورّاد وبتـالـي
وحنا ابني عمرو ربع لنا القالات نور أعيـان=مكاسبنـا فعايلنـا شيمنـا روس الأمــوال
أهل شيمة وعزة نفس وهل موقـف ظفـران=تشرفنـا مذاهبنـا وحــظ دايــم عـالـي
أهل مبدأ وأهل مغـدا ودار تشبـع الضيفـان=وأهل حزم واهل شـدة واهـل فتـل وحـلال
أهل فوزة وأهل نوزة واهل تمكين وأهل إمكان=وأهل بذل واهل منـع واهـل حـق وعـدال
أهل قالة واهل طولة واهل وصل واهل هجران=وأهل خيـر واهـل شـر وعقـال وجهـال
فناخذها ونعطيها ويجري الـزود والنقصـان=ونتقـدى ونتعـدى علـى صيـح وهــلاّل
لنا من الليل همتنا ونور الشمـس لبـس أردان=فللطيّب سـلا الخاطـر وللظالـم بـلاً بالـي
مواريد على العليا مصادير علـى بـر هـان=مجالسنا بها الحكمـة مبادينـا الغـلا الغالـي
بيارقنا نصبناهـا وتحـت ظلالهـا الشيخـان=لهـم رأي وتدبيـر ولـه مـنـا التقبـالـي
على ما مر الدنيا ومـا قفـت بـه الأزمـان=لنا في صفحة التاريـخ مجـد يشـرح البالـي
هزمنا دولة الأتراك والباشـا مـع السلطـان=وعاف الحرب عاشقها وعـاد بخيبـة الحالـي
جرى هول ورا هـول بيـوم شيّـب الولـدان=تساقينـا المنايـا مـن حمـى قتـل وقتـال
مدافعهم تلقاهـا صـدور موسعـة لا كـوان=وتسبقنـا الجنابـا والرمـاح بيمـن الابطـال
وساعة عسكر البارود ومالت شوكة الميـزان=تقطعنـا طوابيـر البـوش وتشيغـل السالـي
كتبنا النصر بدماء أربعمئة من خيرة الشجعان=ومن الاتراك فوق ألف وسـار الـدم شـلال
مزبنة الدخيل انحن نصرنا شاكـي الطغيـان=حمينا عرضه المنهوب من سومـات لانـذال
عبرنا معه إلى ليه ولقصور الشريـف أفنـان=ومن حوله حرس وجيوش وأصوار وسلسـال
دمرناها بمن فيها وخـاب الظلـم والشيطـان=وبنت اللي نخا ابني عمرو سلمت والله الوالـي
رددناها مع بوها وهـو فـي نشـوة طربـان=من ابني عمرو سيف النصر وقت المر والحالي
وفي مثنى طوافح عصّـب البـارود بالدخـان=وصارت قصة تروى مـع ركـب وجمالـي
تخالط ليلهـا بنهارهـا وتراوغـت لاذهـان=نسي الحساب تالي حسبتـه بشبـوب الهـلال
زمان فات يوم فلان وابن فلان وابـن فـلان=مشاربنـا هقاوينـا وسيـف النـصـر دلال
من البارود عودتنـا مـزاج الملـح والخفـان=نسوقه من علـى النيشـان للعـدوان عجـال
وفي العصر السعودي غير التحديـد والعنـوان=وفي المضمون لازلنا عناصر خيـر ورجـال
بدل ما كانت ابني عمرو داري بيتـي الفينـان=غدت لي المملكة دار بهـا سيـري وتجوالـي
من الدمام لا جدة ومـن رفحـا إلـى نجـران=صحابتنـا قرابتنـا حبايبنـا بـعـد حـالـي
لبو تركي صدقنا العهد واعلنا الـولاء إعـلان=موحدنا علـى السنـة خـذا التوحيـد منهـال
وتحـت لـواه ردّدنانشيـد الأمـن والإيمـان=وساهمنا بعصر الخيـر فـي تحقيـق لآمـال
فمنا من وصل بالجيش ليـن قيـادة الأركـان=وفـا لملوكنـا منـا لنـا فـخـر وإجــلال
وفي كل المجـالات الشريفـة صيتنـا رنـان=لنـا بالموقـف السامـي مسـارات ومنـوال
وحنا اليوم في عصر الهنا والخير والعمـران=حكومتنـا نشاركهـا بخدمـة دارنـا الغالـي
مشاريع التطور والبنا فـي خدمـة الإنسـان=علينـا واجـب فيهـا نقـدم خيـر لاعمـال
سياحة واقتصاد وحبنا فـي رفعـة الأوطـان=تبنينـا مباديهـا ومنـهـا شـاهـد الـحـال
فمن ساقين مشـروع التآلـف كلنـا إخـوان=بداية خير لابني عمرو قـوم تحمـي التالـي
وانا شاعر مدحت ابني عمرو ربعي على تبيان=ومـدح ابنـي دايـم أناشـيـدي ومـوالـي
ومدح الشاعر ابربعه يزيده فخـر مـا ينهـان=لسان الأمة الشاعر يطيـب ابطيـب لامثـال
ولا يحسب على أنـه ذم لأي كـان والا كـان=في ابني شهر لي صاحب وفي بلقرن لي خالي
وفي بالحارث أقراب وفي كـل ديـرة خـلان=لصاحبنـا محبتنـا وحبـل الـود وصــال
علاقتنا على التقوى وحب الخيـر والإحسـان=أصالتـنـا وطيبتنالـنـا رمــز وتمـثـال
بعبد الله إله العرش جمّعنـا علـى الرضـوان=ونور السعـد قابلنـا بطيـب البشـر والفـال
فانا أقـدم تحياتـي إلـى الشيبـان والشبـان=واسجل من مواقفنا ضيـاء بـدروب لاجيـال