للطيب طيب وللمواقـف رجاجيـل=وللخيل سـرج وللركايـب الأشـدّه
والحجه اللـي مـا يجيهـا حلاحيـل=تبطي وهي هـدّه وتاتـي بهـدّه
والوقت بين لـي رجـال ٍ معاليـل=باصد منهـا صدتـي والله صـدّه
والقلب لاصارت عروقـه مغاليـل=ما ينفعـك راعيـه لـو زاد نـدّه
والشيخ لاصـارت يدينـه مكابيـل=اليا اعتزا في الضيق ينفـه جـدّه
والرجل لا صارت اقصوره مداهيل=الطيب طيبـه والـردي مايعـده
نسل الرجال الي فحـولٍ مشاكيـل=افعولهـا طـول الدهـر مستبـدة
أهل الكرم والطيب وأهل المعاميل=ستر الرفيق ومن غدا الوقت ضدّه
ما تنهزع من قايل القـال والقيـل=سيوفها طـول الدهـر مستعـدّه
يا ليل يا ماسـك حلـوق المهابيـل=ا ستر نـاس ٍ فاقديـن المـوده
الطير ابو جنحان راعـي المقابيـل=عجبك لامنـه كفـخ فـي مـردّه
طير ٍ مسمينه علـى ابـو مظاليـل=اتلى العهد به يـوم لـوّح بيـدّه
قد له ثمان اسنين يلبـس خلاخيـل=ارموشه السودا تخابـط ابخـده
وأنا على الدنيا امخاوي رجاجيـل=مالي ومـال امكبريـن المخـدّه

ان شـــــاء الله انها عجبتكم القصيدهـ!!!

تقبلوا خالــص الـــود مع التحيـــــة

ســيــف العرب،،