منتديات بني عمرو - عرض مشاركة واحدة

10-19-2005, 02:14 AM

اقتباس:

المشاركة الأصلية كتبت بواسطة .: الفـارس :.

دخول البيت في آخر الليل والزوجه نائمة يعتبر فن

وليس كل شخص يعرف هذا الفن ....لكي تسلم من لسان الزوجة اتبع الخطوات التالية :

اليك هذه الطرق والخطط لتنجح في دخول البيت بدون
ازعاج للجيران ,,وازعاج لك انت ولاتنام براحه وعدم تجريح ::

اذا كانت الزوجه ملت من الانتظار ونامت فهذه بدايه
حسنه ::: كيف الدخول //

1- قبل ماتفتح باب البيت افسخ نعالك (الله يكرمكم)0
وضعها في ابطك ..

2- افتح الباب ببطء تام وادخل وسكره ببطء اكثر
ثم ادخل شوي شوي خطوه خطوه...كنك جيمس بوند.

3- اذا اقتربت من غرفة النوم خذا وضع الانبطاح
وزحف حبه حبه الى ان تصل الى السرير.
كذا وصلت بالسلامه ونقول تصبح على خير..
يحسب انه وصل ؟
1- فزي بقوه من السرير وسوي نفسك مفجوعه واصرخي وامسكي اللحاف وغطي راسك وقولي يمااااااااااااااااااااااااااه حرامي وانواع البكا والصياح هو بيولع النور ويسمي ويقوللك انا 00 انا لاتخافين بسم الله عليك 00 ويبدا يطمنك اياك تسكتين قبل تطلع الشمس خليه يروح العمل وعيونه مثل الجمر لا ويجيب غدا بعد وانتي طقيها نومه للظهر

2-ممكن قبل مايدخل تحطي له شوية مكعبات والسيارات الصغيره وانثريها في الطريق الى السرير 00 انتبهي لايسمعك وانتي تضحكين عليه كلما قال آه اذا داس على لعبه بركبته وهو يتسحب

::::::::::::::::::::::::

اذا كانت الزوجة لاتنام حتى تاتي هذه والله المصيبه
ومجهزه لك بعض الكلمات قبل ماتنام ..

اذا كانت زوجه رومنسيه انشالله راح نحلها واليك الخطه::

1- قبل ماتطلع من البيت لاتنسى اسرق خاتم من الي
عندها بغرفتها وانت قبل كذا اهديته لها.. تدرون من كثرهم ماتعرف اللي عندها .
نظف هذا الخاتم واشتر له علبه حمراء واذا دخلت
عليها قبل هي ماتتكلم قل تفضلي هذي هديه لكي
يازوجتي الغاليه ..راح تنسى طبعاً.

2- بعض الحلا والعصير
3- بعض الورود..

على كذا ماراح تقول لك شي ابداً وراح تهنى بليله
سعيده..

طبعا ما انتي مدمغه الخاتم تعرفينه واول ماتشوفينه خذيه من يده وطيران على غرفة الشغاله وابدأي معها معركه كلاميه واتهميها انها هي اللي سرقته وقولي له ما تبات الليله في البيت ولا ابغاها ولاتعطين للشغاله فرصه للكلام وهو كمان لاتقبلين منه كلام خليك على موقفك ان الشغاله ماتستاهل الثقه
هو طبعا مارح يرضى بالظلم اللي وقع على المسكينه اللي دموعها غرقت لبسها يقوم يعترف ويقوللك انه هو اللي اخذه 000 يجي دورك هنا 000 انصدمي وبحلقي عيونك وهات من قاموس العتب المؤلم 000 وبرضه لا ترضين
اشتغليه نكد على اصوله في النهايه لاترضين باقل من زياره لديماس مجوهراتهم تاااااااااخذ العقل 00
::::::::::::::::::::::::::::::

اذا كانت الزوجه ماتعرف الرومنسيه وجالسه تنتظرك
الله يكون بعونك لكن معاي مراح تخسر..

اليك الخطه ::

1- مر الصيدليه قبل ماتروح للبيت وخذ بعض الادويه.
2- ادهن وجهك بزيت او كريم لونه اسود.
3- بالولاعه حول تسخن وجهك كنك محتر وفيك حراره
4- رش على وجهك ماء كنه عرق وانك تعبان.
5- اذا دخلت حاول انك تتخبط بمشيتك وحاول انك تأن
6- حاول انك ترتجف وقلها انك كل الوقت هذا كنت في
المستشفى وانك مريض..

بكذااااا راح تسلم من لسااااانها لانها هي تبي الفكه منك ...تسويلك عصير
لليمون
وضمادات.

سوي له عصير ليمون و حطي له نص قارورة زيت خروع وملعقة عسل
وقولي له انك بتنامين عند الصغار علشان ياخذ راحته

وزيت الخروع مابيقصر فيه 00
::::::::::::::::::::::::::::::::::::::::::

اذا كانت زوجه نحسه لالالا وبعد نايمه عند الباب مايمديك تفتحه الا وهي
قايمه..

اتبع هذه الخطه لتنجوا بجلدك::

1- افتح الباب بقوه وحاول انك تطيح بركبتك على بطنها وترفسها ..

2- المسكينه تبي تقوم وتصارخ متدري وش الي جاها
3- راح من الم بطنها تقول ودني للمستشفى .
4- بعدها راح تضيع السالفه وتنسى وتحرم انها تنام عند الباب ثاني مره

افتحي باب الغرفه ودفيه من الباب وقفلي بالمفتاح ونامي

ياشينكم يالرجال
اذا سهرتوا برا ماتبغونها تتكلم واذا اهتمت فيكم تضايقتوا وسويتوا خطط علشان تعذبونها زياده
يعني مايعجبكم شي
اهتمت قلتوا ليه
طنشب قتوا ليه

وش تسوي المسكينه ؟ تنقطع نصين نص يهتم ونص لا
اهم شي لاتسوون حركات لان كل حركه ولها حركه ضدها

وانسب طريقه للعيش بسلا م انك تقعد في البيت 0

ترى كيد النسا ماتقدرون عليه

اطيب تحيه لكم واكيد من غير زعل 00