البدع
يا سلامي على عمرين ربعي مزبنة الدخيل
مكرمين الضيوف و راية الحق في كل المواقف
اهل قاله و اهل طاله وتحمى يديها احدودها
ضيفنا في محله ما بنرضى عليه العايبه
شايب ابني عمر وصى عايله على هذي الوصيه
قال ضيفانكم اوجيهكم لا يجي في الوجه وسم
و انت يا ضيفنا لاجيتنا ما تظام ولا تهان
و ان بدى من سفيه القوم كلمه بها عيبه و خله
لا تواخذ سفيه القوم يا ضيفنا و اطلب تجد
مالك الا رضاك و طالب الحق نقضي لازمه
ضيفنا مثل شوف العين و العارف ابيحمى لشوفه
وش علي من قليل العرف ذا اعمى عيونه مروده
و انحن ابني عمر سم العدى لا التقى رجل(ن) برجلي
ما يعيب مواقفنا قليل الرجى و المعرفه
ما يعيب مواقفنا قليل الرجى و المعرفه
************************
الرد
و الله اني ذياب الخيل لا جات خيل ولد خيل
قافلتنا تسير و ينبح الكلب خله دام واقف
قالها الفارس الي بيده ادروعها و احدودها
يا هشيم البلاد الي من الشهر و الولعاي به
جاهل ما معه وجه(ن) و جاهه ولا عنده نصيه
يقرب ايده من الناب الذي فيه قتلات(ن) و سم
الله ياكم عليك ابحق الابيات ظلم(ن) وامتهان
الشعر منك مظلوم(ن) و سايق عليك الله خله
منتدى الابتسامه يمكن انك تفي فيه و تجد
ناقص القوم فاله سو دايم معاه املازمه
يتعزوى بواد(ن) مابه السيل مات امن النشوفه
صار شيطان و الشيطان ملعون و الي مروده
قصده انه يطاولني ويخسى ما ياصل كعب رجلي
عايب القوم مجهول الهويه ولاحد(ن) يعرفه
عايب القوم مجهول الهويه ولاحد(ن) يعرفه

بيت القصيد