يقول باقي فيك عقل وقلت يارب اتخلف=ماعدت اميز فالوجيه وفالدروب اللاويه
ياماوياماحدني وقتي على ضيق وصلف=وشفني على خبرك على المتكى وناري ضاويه
ولااعتذر عن واجبي ولاتهرب من سلف=وارقد على جال البحر والضلع سحمه عاويه
النمر يعطى له لحم والثور يعلف له علف=وانا من الثنتين جايز يالنفوس الغاويه
لاهبت اهبوب الجنوب وروح الصبح وذلف=جريت ونات الصويب اللي خذله امداويه
ان عززوك اهل الجنابي ماارخصوك اهل الشلف=اللابتين اللي تحنك عـن نزول الهاويه
سبحان من فرق شناحك يالوليف المؤتلف=عن الوجيه اللي عذاربها ورى الغطاويه
بريت حالي وانت حالي غير طاولته كلف=يانفحة الحكام يالازرق وخن الجاويه
من بعدك الدنيا بعيني ماتقربها زلف=واصبح بها الا وهي على عروش خاويه
ولفت قلبي عند غيرك غيرعياماولف=من نقطتين الانطلاق الين رأس الزاويه
خثرت عيونك والرموش الواقفه مثل الآلف=نامت على وسادت الخد وفراش الكاويه
مالوم عقدك لاشكى نحرك مسبب له تلف=فتنه نحرك فتنة أبناء العلي ومعاويه
قصايدي فيك اوصلتني نجم عند المختلف=ومحبتك ومحبة الشهره ماهي متساويه
مانساك ايلين الحلوف تجوز عن قول امحلف=هذا الكلام اللي سمعته عهدته من راويه