منتديات بني عمرو - عرض مشاركة واحدة - حوار هادف بين الشباب والبنات الكل يشارك برائيه

09-25-2005, 09:01 AM

اقتباس:

المشاركة الأصلية كتبت بواسطة المملك

الاخت العزيزة ذات الشان........... شكر لك اولا على تحملك لنا في بعض الردود .. وثانيا احب اعلق على كلامك ولو ان كلامي مارايح يعجبك لكن هذا من حقي ادلي بدلوي معكم . الكلام الذي قلتيه ممكن يحدث واكيد يحدث ولكن ليس مبرر للتبرج والسفور والاستعراض . اذا حكمت الضروف على بنت مثل ماحكيتي فنزولها السوق مع امها مو عيب ولافيه شئ انما بكل ادب وحشمه وصدقي ان اي بنت تنزل السوق وهي متحشمه ومؤدبه والله مايضايقها احد بالعكس يهربون شياطين الاسواق من امامها وبهذا تقطع كل ينت الطريق على قطاع الطرق العابثين ........... تحياتي لك وللكل . اخوك المملك

المملك
من حقك انك تدلي بدلوك وتقول اللي تبغى وبالعكس كل ماكان فيه اختلاف في الرأي بيكون فيه نقاش وشكلي انا وانت في نهاية الموضوع رح نطلب جلسة صلح من ادارة المنتدى 00

تصدق اني قريت القصه وقلبتها يمين وشمال وقريتها من تحت لفوق ومن فوق لتحت مالقيت فيها اي دعوه للسفور والتبرج الا اذا كنت تعتبر طلب البنت انها تنزل السوق هو دعوه للسفور والتبرج فالشكوى لله 00

الله يرضى عليك اقرا القصه اللي قلتها
تراها تحكي واقع مؤلم تعاني منه اكثر البيوت
ماقصدت منها ان البنت تروح تدوج في السوق وتتبرج وتطلب من اخوها يفلتها في السوق
هي قالت ابغى اغراض من السوق وودها واحد ينزلها للسوق يعني تركب في سيارته ويوديها للسوق وينزل معاها تقضي اغراضها وتاخذ طلباتها من المكتبه 000وبس
من جاب سيرة التبرج والسفور
يا مملك ماهو كل من نزلت السوق نزلت للفجور
قصتي تتكلم عن ان الاخوان وماتقول كلهم لكن بعضهم لايمكن يوافق على طلب من اخواته مهما كان تافه
واذا وافق يوافق بنكد واوامر وسوي ولا تسوين ويحدد لها وقت وياويلها لو خالفت امره قبل لاتروح المشوار معه

فيه بنت طلبت اخوها ينزلها السوق ( تتقضى مو تدوج) طبعا بعد اوامر ونواهي وداها 0في السياره عاتبته
ليه انه كل ما تطلبه طلب يزهقها فيه 000 قام الاخ زعل واخذ اللفه ورجعها البيت وقال انزلي وحلف انه مايوديها

000 البنات واقولها بكل ثقه مكسورات 000مكسورات000 مكسورات 0