يا بس اشفاتي على اطرافه تغاريد ونشيد =وغصةٍ بين الحنايا تسعف الصرخه صدى
كلمةٍ في خاطري يبغى لها كفٍ عضيد= من عرفها سابق الخطوه على ميله شدا
البلاد الّلي سكنّا اليوم عنها ما نحيد= نحرق أنظار الخفايا وسط ليلٍ به عدى
نكسر ابنود الرديّه نلجم الباغي الجحيد = ما نساوم من تسوّل ضايعٍ وقته سدى
نخله وسيفين عقدٍ طوق ارقابٍ بعيد = ما وصل له عاثرٍ متضامنٍ ضدك بدا
مدّها يمناك صافح صاحب الراي السديد = الملك عبد الله الّلي حبه لشعبه ندى
اكتسى ثوب الشهامه عانق المنبررشيد = شدّوا الساعد وكَفْي للوطن وابنه فدا
شعب واحد مملكتنا عزها دوماً يزيد = فدوة اعيونك حياتي وان حكى فيك العدا
كلنا نعشق ترابك والصدر درعٍ حديد = يحفظك رب العباد ومنهجك درب الهدى