أبطيت ياذا الرجم ماجاء معك ناس= وأبطى الحبيب وهلة العين ماها
يوم ورى يوم وأنا أقول لاباس = خوفي على عيني يجيها عماها
أصفرت أوراقي وأرى العود يبّاس= وذبلة عروق الهوى في ثراها
وأنحل حالي من البطى وصابني الياس = وأنهد حيل النفس وضعفت قواها
يامهـــرة تشتف من روس الأطعاس= عـــذب النسيــــم إلين تبـــــرد دماها
يــاعنـــق بلّـــور تلـــوّى به الماس= ياوردة الجـــوري ونفحــــة شذاها
لاتشمت العــدوان ياعـــذب الأنفاس= ولاتعطـــي العـــذّال غـاااية مناها
ذكــراك فــي عيني بلا حد وقياس= أمســي مع ذكـــراك وأصبــح معاها
دايـم يــــراودنـــي إذا هب نسناس= برق الأمـــاني رب تمطـــر سمــــاها
حنّابنينــــا حب ثابت علــــى ساس= تحفظ لي الذكرى وأنا أرعـى غلاها
وأخـاف من يوم تجي الفاس فالراس= وأنـدم علـى وقت مضــى فـي رجاها