آخر رساله الى : حضرة جناب الجروح
مِـدادها دمّ عيني / طِـرْسـها أضلعي

.

نزفتها بدم شرياني بصدق ووضوح

وناديت قيفان حرفي قلت : هيا ابدعي

.

ارسلتها يم جرح ٍ بالضماير يلوح

ضمّـنتـها حجّـة الداعي على المدعي

.

يا جرح ما عاد باقي بالمعاليق روح

باقي صحاري جفافي تشرب من ادمعي

.

احاول انزح ولالي عن طريقك نزوح

من وين ما الدّ يا جرحي لقيتك معي

.

يا جرح هوّن على روحي وخلك سموح

والا اذبح القلب ! وارسل لي رسالة نعي

.

يا جرح لا تصير مثلك مثل وقتي شحوح

يا شين ما في ضميرك لو شوية وعي ؟!

.

تعال اعلمك قصة من بنى له صروح

في وسط جاشي – وهو سبّة جميع وجعي

.

وُصَـلـْـت في قصتي وياه حد الطموح

اقول له: سم - لامن - قال :هيه اسمعي!

.

ما كنت اعرف المخـبّا يا زماني بلوح

( مكتوب )
ما يمنعه كثر الجري والسعي

.

راح وتركني مع اهمومي أهيجن وانوح

سفايني غارقه // متمزقه أشرعي

.

حِـدب المحاني على نار التوجد تفوح

والهم فارس ! وسيفه غارزن باضلعي

.

ارجوك يا جرح ! لا تزيد الجروح بجروح

اتركني انسج من الغـُربه - دُوا - لوجعي



أتمنــــى أن تحوز ذائقتي أعجابكم

جبل حرفه