منتديات بني عمرو - عرض مشاركة واحدة - مميزات العزوبية--فقط للبنات--..

#1 08-01-2005, 04:50 AM

هلا بنات شلونكم شخباركم وش الاخبار...................
المراد ما اطول عليكم راح اخش باموضوع دغري على قولت اخوانا المصريين
انا لقيت 10 مميزات تتميزفيها العزوبيه عن المتزوجين هي كالتالي:

اولا :
تنامين براحتك على السرير وتتحركيين مثل ما تبين من غير لا تزعجين
اللوح اللي نايم جنبك.
ثانيا:
البطانيه لك بروحك محد يشارك فيها احد من غير لا تقومين تالي الليل
وتلقين البني ادم ماخذها.

ثالثا:
تنامين بهدوء من غير اصراخ الورعان تالي الليل يبون حليب ولا اشخير
الي عندك.

رابعا:
ريموت التلفزيون لك لحالك بدون استغلال الطرف الاخر .

خامسا:
اذا قمت بتنظيف البيت (فرضا يعني) راح يكون نظيفا لمده طويله
لعدم وجود ساكن الزريبه.

سادسا:

تستطعين شراء اي شئ تبينه حتى لو كان غالي من غير الاستماع للعباره الدائمه
"في حاجات اهم في الحياة يا حياتي "
هذي العباره مايقولها الا اللبق اما الي مولقب يقول ان قلعي يا............؟

سابعا:
مراح تستقبلين غصب عنك ربع الدوانيه.......

ثامنا:
مراح تنجبرين على مشاهدة النشرات الاخباريه ولا الرياضيه ولا البرتقاله
وانتي تتحطمين وتعظين اصابعك ولا مشاهدة space toon للاطفال.

تاسعا:
مراح تدخليين في مشاجرات لاتفه الاسباب مثال:
ليش الشماغ مشقوق .......... وانا شدراني عنك انت اللي لابسه ولا انا.

واخيرا:
تشلي مسؤلية بيتوه ليه ؟
هو كان من بقية اهلك .........