متى يفقد الرجل رجولته ؟؟؟؟

متى يفقد الرجل رجولته ؟؟ >>> عندما يتحول إلى طلي
بدون مقدمات ولا خرابيطها ....... راح أدخل بصلب الموضوع عــ طول ..........
>>> الجواب باين من عنوانه
>>> بس أدري ان البعض أو يمكن الكل يبي يعرف ليش هالعنوان بالذات ويبي يعرف الأسباب ..........
مطول عليكم .......
عندي عده أسباب تخلي الرجال يفقد رجولته و صحيحة 100% :::::::

1- لما يكون الرجال في سباق الفرار من المسؤولية ( يعني بالكويتي = خيخيه لا يهش ولا ينش )

2- و لما يحلق (( الشارب )) و يخلي اللحية مو كلها بعد ( القفل بس من تحت ) و أدري انه الرجولة مو بالشارب ولا باللحية بس اللي يحلق شاربة ( يعني ماشي على ستايل هالأيام = مالت على هالستايل ) يخلي نفسه مطنازه للخلق ( بالعامي = يتحول الرجال إلى طلي = كوسفند ، و تيس ) ...... يا كثر هم و عد و خربط

3- و لما يطبق هالمثل عليه (((( إذا حضر طاح و إذا صحا راح )))) يعني البيت فندق بس للأكل والنوم ( بالعامي = رجال ترف لأبعد درجة ) ...... يا كثر هم

4- مصيبة إذا ماتت النخوة و الشهامة فيه و باع كرامته عشان ناس ما تسوى و صد عن العزيز على قلبه و ينكر المعروف ( رجاجيل أخر زمن، مثل هالاشكال مالها داعي تعيش بين الناس اللي ينشد فيهم الظهر ) ...... يا كثر هم

5- لما يتفرعن و هو بالأساس ( خيخيه و خرطي ) لا يودي ولا يجيب ولا يدري عن هوى داره و لا حتى وين الله قاطه ...... يا كثر هم

6- ولما يتعاطى مخدرات أو حتى يشرب كحول ( ينزل للحضيض ما كو أمل يرتفع حتى إذا عالج = أبو طبيع ما يجوز عن طبعه = معروفه )

7- لما يكون هايت بالمجمعات و الشوارع بس فاضي لملاحق البنات و مغازلهن و قط أرقام و أنت ماشي و لا بعد السيارة بورش أو سبورت أخر موديل و كشف بعد ( ما كو شغل = هالجيل عيال بـــــقـــــر و تربية خدم و أخلاقهم بالماي = أدب زسر = من يطلع من بطن أمه صاح أبي تلفون )...... يا كثر هم و عد و خربط

8- عاد هذا المصيبة الكبرى اللي (( سكانه مرته = زوجته )) يعني خاتم بيد زوجته ( تقوله شمال >> يقولها حاضر >> الزوجة تتحول إلى زوج و العكس صحيح = تتبدل المسؤولية ) و أمه و الأهل وري ظهره ولا عالبال والخاطر...... يا كثر هم و عد و خربط

>>>>>>>>>>>>>>>>>>>>>><<<<<<<<<<<<<<<<<<<<<<

و اللي بأمه خير يواجهني و يقول لي أني غلطانة بأي كلمه كتبتها تخلي الرجال يفقد هيبته و رجولته >> جان فيه خير يقول

و اللي عنده أي سبب مو مذكور يكتبه (((( حدث ولا حرج ))))

>>> و أخيرا بصراحة عندي دعوه على أي رجال تنطبق عليه سواء الصفات كلها أو واحدة بعد ...............

>>>>>>>>> الله لا يبارك فيه لا بدنيا ولا بآخره === آمــــــــــــيــــــــــــــن

طالعة من كل قلبي ........ >>



وياريت اني ما ضايقتكم بالموضوع
واذا اخطيت عليكم اعذروني

سأعيش بزورق الشعر مجدافه
وسأحيا به من المهد الى اللحد
سأكتبه وأقرأه تبعا لأسلافه
وأبحر به وصولا إلى المجد