ياناس والله مارحمني زماني =صارت حياتي كلها هم وجروح
ضاع الأمل من بعد موت الأماني =مافي يدي غير البكا وكثرة النوح
طال الصبر واليأس حبك طواني =حاولت اقاوم بس من غير مصلوح
وش حيلتي مادام ربي بلاني = هذا الذي مكتوب لي وين مااروح
ياليت قلبي من غرامه نهاني = ليت المشاعر مانعتني عن النوح
حبه ملكني واستقر بكياني = اصبح غلاه اغلى علي من الروح
والله ذكراه مانسيته ثواني = يفداه عمر صار للموت مطروح
ودي بشوفه كان وقتي عطاني = وان مت قولوله من القلب مسموح