تعال اعلمك ليش المشاعر لول وكرستال =واغني الطرق في بالك بشعر(ن) يطربه كيفك
مشاعر ماشرب منها عشيق وتسقي المحتال=وشعر لو نطقه القلب لخبط شان تعريفك
تعال اقرب حبيبي خل لي ليل الفرح منهال=اعذب شوق كل الذوق وازلزل شعر تشريفك
هلا والله هلا والله مشاعر مالها مرسال= بنظره شوق فوق الذوق لو تأصل لتوصيفك
تدلل دامها الدنيا حُزن وفراق ظيّم هبال=تهبلبي واهبلبك مشاعر جت بتعطيفك
حبيبي كانها الفرقا لعنها ليلة السربال=سراب الآل لي يشبه زلال(ن)عند تشويفك
امان الله لو قلت المشاعر توها ترحال=رحلت بها بحور وغصت والشاطي على ريفك
اعزك مابقاء حيله ولا خليت حتى الحال=نحل مني على كيفه وغنى لك على كيفك

تعالي فجرنا قرب=اغني لك على الشمعات
حرام نولع الكهرب=وانتي تخجلي اللمبات
تعالي نختلق مهرب=يسمعنا صدى الاصوات
تعالي غير لاتهرب=اجيلك كلى الفرحات
تعالي والسماء تغرب=تلاقيني لك الشرقات
تعالي قبل اموت اشرب=مشاعر تسقى اللوعات
تعالي كم وكم تُعرب=وكم معنى لها لوجات
تعالي كلها تهرب=وفيك انتي ابد بالذات
تعالي لك هي الاقرب=مشاعر والزمن ونات
وحتى يوم لو تخرب=نعرف ان الوله مامات