مشاركة: تخفيض المهورفي قبائل بني عمرو
الاخ مالي غيرك
انا قد سمعت عن المهر ابو ريالين وسمعت بعد عن الاشياء اللي يعطيها لها ابوها والله جاني حزن يقولون يعطيها (معطب00لحاف وشي ثاني ما ابغى اقوله ) لكن كنت اعتقد ان الموضوع من زمان وما كنت اتوقع انه مستمر الى الان ولا بريال بعد0
ليه؟
الحين كثيرين من اللي قروا كلامي يحسبون ان قصدي ان المهر ثمن او قيمة شراء
وسؤالي لهم كلهم من هو اللي شرع المهر؟
وليه ماحدده؟
هل اللي حددوا المهور يعتبرون نفسهم احكم واعقل ؟
صعوبات الزواج ماهي في المهر الصعوبات في البلاوي اللي تجي بعده لما يصرف على الحفلات اضعاف المهر وتذبح الذبايح اللي تصل الى اربعين وخمسين واحيانا ميه وترمى في الجبال لانها مايؤكل ربعها وكل ذا علشان الناس يتكلمون ويقولون فلان زوج بنته والله انه ذبح 000 من الغنم وحط الرقم اللي تبغاه
وبعدين يجون على المهر ويخلونه ريال وريالين 00تبارك الله يعني بتروح تاخذ لها كيس بطاطس وبيبسي وتضف اغراضها على بيت ابوها واذا كان الابو من المقرطين معناها بتطلع بثياب قديمه ولاننسى اللحاف واللي معه
ليه ذا الاهانه وبنات هذي القريه مدربيات روسهم وراضيات ليه؟ ابغى افهم ليه ريالين ؟
طيب خلوها خمسه 00 عشره00 ميه00 الله اكبر 00كل ذا علشان يفتكون من البنات
لاتقولون المهر ماله اهميه
الا له اهميه
اذا كان الموظف اذا ترقى في عمله وانتقل الى عمل اهم يعطونه مبلغ مالي زياده يسمونه تحسين وضع يعني علشان يرتب نفسه ويظهر بمظهر لائق يتناسب مع الوظيفه الجديد ه
البنت اذا تزوجت لازم تحس ان فيه فرق بين حياتها في بيت ابوها وحياتها في بيت زوجها
لازم تعطى حقها اللي الله شرعه لها
هذي هي المناقشه يامالي غيرك
هل البنات اللي يزوجون بريالين راضيات
احد اهتم برأيهم والا دري عنهم
ختاما اقول
الحمدلله مليون مره اني ماني من ذا القريه والا كان صارت علوم الله يعلم بها (اخاف هم يقولون الحمد لله اني ماني منهم)
كل التحيه والتقدير لك اخي مالي غيرك
وللي يحترمون الراي الاخر
|