الموت هيِّن والبلا وش ورى الموت=عند الحسـاب يهـون سهـم المنايـا
باكـر نمـوت و تصبـح قبورنـا بيوت=وعقـب القـصـور بضيـقـات الـزوايـا
في جوف الارض وكل من حولك سكوت=و تعاقبن بالقبر عوج الحنايا
يارب يا منجي نبيك مـن الحوت=ستـرك وعفـوك يـوم كشـف الخفايـا
باكر ليا جينـا علـى داعـي الصوت=شيبـان واطفـال وشبـاب وصبايـ
ندعـي وحنَّـا بيـن بـاكـي ومبهوت=ورحـنـا لـهـا ننـقـاد مـثـل السبـايـا
يـا رب تهدينـي قبـل لحظـه الفوت=وتغفـر ذنوبـي يـا كـريـم العطـايـا
أشكيـك هـمٍ داخـل الصـدرمكبوت=وأيَّـامـي الـلـي بالخطـا يـامـلايـا
إن لاذ بك من كان طايـع و مبخوت=فـي مـن يلـوذ المرتكـب للخطايـا
يـا رب يـا قـادر علـى كـل طاغـوت=لا ياقـف اللـي وحّـدوا بــك خـزايـا
رحـمـاك لا مـنّـا صحيـنـا مــن الموت=والـيـا وقفـنـا عـنـد بـابـك عـرايـا