منتديات بني عمرو - عرض مشاركة واحدة

06-18-2005, 01:41 PM

بقايا عاشق..

أسمح لي بمداخله..

وأعتبرها ....(هديه)..من جــود..إلى بقايا..

أبيك تكمل فيها .. مقاطع رووعتك..

وهذي هديتي..

-4-

:

:

نفس الطريق..نمشي وماندري

ان القلوب

تلامس أطراف السِما

توصل لذاك الغيم..

..تسقيه الظما

كان الهوى نسمه

مره تداعبنا ومره تروح

وكان الوعد قسمه

مرنا وألبسنا أحلى الحروف

* * *

نفس الطريق..احساسنا سحري

كلمة هوى..

..تتردد فــــ بوح الصدى

تقطع ضجيج الصمت..

..تتحدى المدى

كان الحكي ساكت وقلبك يناجيني

عصفور يغرد لي..تزهر بساتيني

* * *

نفس الطريق..دروبنا تسري

ماملت الخطوه تعانق الخطوه..

وماملت البسمه ترسم لها بسمه

هذا هدير الما..

..وهذي البحيره هناك

تحضن طيور الحب..إرمي لها

يمناك

* * *

نفس الطريق..اللي أخذ عمري

وأهداني أحلى عمر

أحلى من أحلى عمر

اللحظه توقف لي

..لين اكتفي منها وأسمح لها ترحل

مسكينه هاللحظه

صارت تغني لي..

"الصبر له آخر..وصبرى بدى

وياك"

ماملت اللحظه..تغني كل لحظه

وماملت الالحان..تعزف لها ألحان

هذا العمر يمك..

حلم بهوى مجنون

عطر وعشق مفتون

شوف الفجر قرب يفتح لنا أحضانه

يهدينا أحلى صبح نتباهى بألوانه

غمض على قلبي..

..غمض جفونك حيل

قلبي يبي يرتاح..

..ودي تضمه حيل

نفس الطريق..نفس الطريق..

نمشي وماندري

نمشي وماندري

:

:

بقايا عاشق..

تتلاعب بلغة الكلام..,

فترسمها طيرا ينشد للأحلام..,

وتارة ترسمها ببراءة الاطفال..,

تتعبنا..بقايا..!!

اين سوف يستقر عبث قلمك....,...!

واخيرا استقر على ان لا يستقر ابدا..,...!

فلسفه..وإبداع فاق كل الجمال..,!!

:

:

ابداعك بقايا....هناك من ينتظره..

انا..!

وبكل شغف..!

:

:

ومع حبــي../