الله اكبر يا فتن و الله اكبر يا زمان
والله اقوى من جميع العواصف والصروف

كانت الدنيا الدنية عجايبها ثمان
واما ذا اليوم العجايب تدوّن بالالوف

وين ما وجهت تلقى المناكر والجنان
والثوابت دحدرت من جروفٍ في جروف

ما على الدنيا والاعمار والنعمه ضمان
الفلك دوّار واحداث عالمنا تطوف

ومثل ما قيل الدهر بين يسرٍ و امتحان
ما يدوم الحال يا من درى ويش الضروف

و قيل زلات القدم لا تزلّ ابْك اللسان
رب كلمة وقعها شرّ من ضرب السيوف

والحذر ثم الحذر مما يكتبْه البنان
في الحروف اللي تجرّ المصايب والحتوف

والحذر لا تعترض شي مالك فيه شان
ينطحك ما لا يسرّك و عينك له تشوف

ما نقول الا عسى الله يديم النا الامان
والستر والدين واهل الوفا وكل امْعَروف

# ابو فارس #