حبيت واحد ما عرف قدر حبي =ولا معاني الحب مرت بباله
يا ناس هذا الشخص بيديه قلبي =وياما بعز النوم جاني خياله
من زود حبه صرت اضيع بدربي =لكن ولاحتى عذابي طراله
مسكين انا ضيعت شرقي وغربي =واهو على يمناه يصفق شماله
من ضحكته بالقلب يزداد ضربي =يضحك ولا يدري بقلبي وحاله
وانا عشانه عفت زادي وشربي =وهو لناس غيري يرمي حباله
وارسلت له مرسول باللي حصل بي =والرد منه قال مالي وماله
وانا بهذا الشخص اشكي لربي =وما اريد منه غير حكم العداله
ودمتم سالميـــــــــــن